કંગના રનૌત કોઇ ને કોઇ કારણોસર ચર્ચામાં રહેતી હોય છે અને હાલમાં જ તેણે પોતાની પર્સનલ લાઇફને લઇને મોટો ધડાકો કર્યો છે.
કંગનાએ સ્ટ્રગલની કરી વાત
ટ્વિટર પર કહી મોટી વાત
16 વર્ષની ઉંમરમાં માફીયાના તાબામાં હતી
ટ્વિટર પર સૌથી વધારે સક્રિય કલાકારોમાંથી એક કંગના નીડર થઇને પોતાની વાત મુકે છે. હવે કંગનાએ એક ટ્વિટ કર્યુ છે અને લખ્યું છે કે જ્યારે તે 15 વર્ષની હતી ત્યારે ઘરેથી ભાગી ગઇ હતી અને કોઇની પણ મદદ વગર મુંબઇમાં પોતાનું ઘર લીધુ.
સંઘર્ષના દિવસો
કંગનાએ પોતાના સંઘર્ષના દિવસો વિશે વાત કરતા જણાવ્યું કે, કોઇએ તેના સ્ટ્રગલના દિવસોમાં મદદ નહોતી કરી. 16 વર્ષની ઉંમરમાં તે અંડરવર્લ્ડ માફીયાના તાબામાં હતી. આ દરેક બાબત સામે લડીને ઇન્ડસ્ટ્રીમાં પોતાની અલગ ઓળખાણ બનાવી.
Left home at the age of 15 my father refused to help me in my struggle,was on my own,was captured by underworld mafia at 16, At 21 I had squashed all villains in my life,was a successful actress a national award winner owner of my first house in Mumbai city posh location Bandra.
શું લખ્યું ટ્વિટમાં
કંગનાએ ટ્વિટ કરી અને તેમાં લખ્યું કે, મેં 15 વર્ષની ઉંમરમાં ઘર છોડી દીધુ હતુ અને સંઘર્ષના દિવસોમાં મારા પિતાએ જ મારો સાથ આપવાથી ઇન્કાર કરી દીધો હતો. હું આત્મનિર્ભર હતી. 16 વર્ષની ઉંમરમાં હું અંડરવર્લ્ડ માફીયાના તાબામાં હતી. 21 વર્ષની ઉંમરમાં મે મારી લાઇફના બધા દુશ્મનને પાછળ છોડીને નેશનલ એવોર્ડ જીત્યો અને સફળ અભિનેત્રી બની, મુંબઇના પોશ બાન્દ્રા વિસ્તારમાં પહેલા ઘરની માલિકણ બની.
શુટિંગમાં વ્યસ્ત છે કંગના
કંગના હાલમાં પોતાની શૂટિંગમાં વ્યસ્ત છે. છેલ્લા કેટલાક દિવસોથી પોતાની સ્પાઇ થ્રિલર ફિલ્મના શૂટિંગ શેડ્યુઅલમાં તે વ્યસ્ત છે. રવિવારે તે સમય કાઢીને અભિનેત્રી સતપુડા ટાયગર રિજર્વ પહોંચી હતી. જ્યાં તે જંગલ સફારી એન્જોય કરતી જોવા મળી હતી.
થોડા સમય પહેલા કંગના ખુબ ટ્રોલ થઇ હતી. હોલિવૂડ અભિનેત્રી મેરિલ સ્ટ્રીપ અને ગેલ ગડોટ સાથે પોતાની તુલના કર્તા કંગનાએ પહેલા તો પોતાની જાતને બ્રહ્માંડની સૌથી સુંદર અભિનેત્રી બતાવી અને બાદમાં ટોમ ક્રુઝ કરતા વધારે સારી સ્ટંટ કરનાર એક્ટ્રેસ.