કંગના રૌનતની બહેન રંગોલી ચંદેલનું ટ્વિટર એકાઉન્ટ સસ્પેન્ડ થઇ ગયુ છે, તેના પર આરોપ હતો કે તે વિવાદસ્પદ નિવદેનો સતત આપતી રહી છે. જોકે આ મામલામાં કંગનાએ ચુપ્પી તોડી છે. કંગનાએ પોતાની ટીમના ઇન્સ્ટાગ્રામ પર એક વીડિયો શૅર કર્યો છે, જેમાં તેણે આ મુદ્દે પોતાની વાત રાખી છે.
કંગનાએ કહ્યું હતું, ''મારી બહેને પરમ દિવસે એક ટ્વીટ કરી હતી અને તેમાં તેણે કહ્યું હતું કે જે લોકો ડોક્ટર્સ તથા પોલીસ પર હુમલા કરે છે, તેને ગોળી મારવી જોઈએ. જોકે, સુઝાનની બહેન ફરાહ ખાન અલી તથા ફિલ્મમેકર રીમા કાગતીએ ખોટો દાવો કર્યો અને તેમણે કહ્યું કે રંગોલીએ મુસ્લિમ જેનસાઈડ અંગે વાત કરી છે. જો ક્યાંય પણ આ વાતનો પુરાવો મળે તો હું અને રંગોલી સામે આવીને માફી માગીશું. શું તેઓ એમ કહેવા માગે છે કે દરેક મુસ્લિમ આતંકવાદી છે? અમે આવું બિલકુલ માનતા નથી. દરેક મુસ્લિમ ડોક્ટર્સ કે પોલીસ પર હુમલા કરતા નથી. હું કેન્દ્ર સરકારને અપીલ કરવા માગીશ કે ટ્વિટર જેવા સોશ્યલ મીડિયા પ્લેટફોર્મ અહીંયા જ ખાય છે અને કરોડો-અબજો રૂપિયા કમાય છે અને આપણી જ હોડીમાં કાણું પાડે છે. આપણા પ્રધાનમંત્રી, ગૃહમંત્રી, રાષ્ટ્રીય સ્વંયસેવક સંઘને આતંકવાદી કહી શકાય છે પરંતુ તમે આતંકવાદીઓને આતંકવાદી કહી શકતા નથી. આ પ્રકારના પ્લેટફોર્મ બંધ કરી દેવા જોઈએ. મને ખ્યાલ છે કે હાલ દેશ અન્ય બાબતો સામે ઝઝૂમી રહ્યો છે પરંતુ આ પ્રકારના પ્લેટફોર્મનો અંત લાવવો જરૂરી છે અને આપણે આપણાં પ્લેટફોર્મ શરૂ કરવાની જરૂર છે.''
આ સાથે જ કંગનાએ ભારતની રેસલર બબીતા ફોગાટનો પણ ઉલ્લેખ કરતા કહ્યુ હતુ કે, ''બબીતાજી ફોગાટને તેમના વીડિયોને કારણે જે રીતે લોકો હેરાન કરી રહ્યાં છે, હું ફરી એકવાર કેન્દ્ર સરકારને અપીલ કરીશ કે જે વ્યક્તિ રાષ્ટ્રવાદ સામે બોલે છે, તેને સોશ્યલ મીડિયામાં હેરાન કરવામાં આવે છે, કેટલાંકને નોકરીમાંથી હાંકી કાઢવામાં આવે છે તો કેટલાંકની હત્યા થઈ જાય છે. જો આજે બબિતાજીને કંઈ પણ થશે તો ભવિષ્યમાં કોઈ રાષ્ટ્રવાદને લઈ વાત કરશે નહીં. તેમને સુરક્ષા પૂરી પાડવામાં આવે. હેપ્પી.....લૉકડાઉન.''
એકાઉન્ડ સસ્પેન્ડ થયા પછી રંગોલીનું રિએક્શન
ઉલ્લ્ખેનીય છે કે, એકાઉન્ડ સસ્પેન્ડ થયા બાદ રંગોલીએ કહ્યું હતું, ટ્વિટર એક અમેરિકન પ્લેટફોર્મ છે અને તે સંપૂર્ણ રીતે પક્ષપાતભર્યું વલણ રાખે છે અને ભારત વિરોધી છે. તમે હિંદુઓના ભગવાનની મજાક ઉડાવી શકો છો, પ્રધાનમંત્રી તથા ગૃહમંત્રીને આંતકવાદી કહી શકો છો પરંતુ જો તમે પોલીસ તથા સ્વાસ્થ્ય કર્મીઓ પર પથ્થરમારો કરતાં લોકો વિશે કંઈ બોલો તો તમારું એકાઉન્ટ સસ્પેન્ડ કરી દેવામાં આવે છે. તે આવા પ્લેટફોર્મ પર પોતાના સાચા અભિપ્રાયો વ્યક્ત કરવા માગતી નથી અને તે પોતાનું એકાઉન્ટ ફરીવાર ચાલુ કરાવશે નહીં. તે તેની બહેનની સ્પોક પર્સન છે અને હવે તેઓ ડાયરેક્ટ ઈન્ટરવ્યૂ પર ધ્યાન આપીશ. કંગના ઘણી જ મોટી સ્ટાર છે અને બીજા ઘણાં રસ્તાઓ છે. પક્ષપાતભર્યા પ્લેટફોર્મની સરળતાથી અવગણના થઈ શકે છે.