અભિનેત્રી કંગના રનોત તામિલ ફિલ્મ ચંદ્રમુખી 2માં દેખાશે. જે 2005માં આવેલી ક્લાસિક હૉરર કૉમેડી ચંદ્રમુખીની સિક્વલ છે. આ વાતની જાણકારી કંગનાએ તેના સોશિયલ મીડિયા એકાઉન્ટ પર આપી છે કે તેમને ચંદ્રમુખી 2 માટે ફાઈનલ કરી દેવામાં આવી છે.
તામિલ ફિલ્મ ચંદ્રમુખી 2માં દેખાશે કંગના રનોત
2005માં આવેલી ક્લાસિક હૉરર કૉમેડી ચંદ્રમુખીની સિક્વલ છે
આ ફિલ્મનુ ડાયરેક્શન પી વાસુ કરશે
કંગના રનોત તામિલ ફિલ્મ ચંદ્રમુખી 2માં દેખાશે
આ ફિલ્મનુ ડાયરેક્શન પી વાસુ કરશે. તો કંગનાની સામે તામિલ અભિનેતા રાઘવ લોરેન્સ દેખાશે, જે કંચના 1 અને 2 અને કંચના 3 જેવી હૉરર કૉમેડી ફિલ્મો માટે ઓળખાય છે. વર્ષ 2005માં આવેલી ફિલ્મ ચંદ્રમુખીમાં રજનીકાંત અને જ્યોતિકા સરવને કામ કર્યુ હતુ. ઉલ્લેખનીય છે કે ચંદ્રમુખી વર્ષ 2004માં આવેલી ફિલ્મ આપટામિત્રાની રીમેક છે, જે પોતે સુપરસ્ટાર મોહનલાલની મલયાલમ ફિલ્મ મણિચિત્રાથજૂની રીમેક છે. આ સાથે અક્ષય કુમાર અને વિદ્યા બાલનની ફિલ્મ ભૂલ ભુલૈયામાં મંજુલિકાનુ કેરેક્ટર પણ ચંદ્રમુખીમાંથી જ લેવામાં આવ્યું હતુ.
મીડિયા રિપોર્ટસ મુજબ કંગના ડિસેમ્બરના પહેલા અઠવાડિયાથી જ ફિલ્મનુ શુટિંગ શરૂ કરી રહી છે. ઈમરજન્સી ફિલ્મના કામમાંથી થોડો બ્રેક લઇને તે આ ફિલ્મનુ કામ શરૂ કરી દેશે. જ્યારે જાન્યુઆરીમાં ઈમરજન્સીનુ શૂટીંગ પૂર્ણ થતા કંગના ચંદ્રમુખી 2ના સેકન્ડ શેડ્યુલની શુટિંગમાં જોડાઈ જશે.
ચંદ્રમુખીના રોલ માટે કંગના છે આતુર
અહેવાલ મુજબ ચંદ્રમુખી 2નુ પ્રોડક્શન Lyca Films કરશે, જેણે હાલમાં વર્ષની સૌથી મોટી ફિલ્મ PS1નુ ડાયરેક્શન કર્યુ છે. આ ફિલ્મને લઇને કંગના ખૂબ ઉત્તેજિત છે. ફિલ્મ અંગે કંગનાએ લખ્યું, હું પોતાને ખૂબ ભાગ્યશાળી માનુ છુ કે મને આગામી તામિલ ફિલ્મમાં પી વાસુજીની સાથે કામ કરવાની તક મળી રહી છે.