થોડાં સમય પહેલાં જ કંગના રનૌતની મોસ્ટ અવેટેડ ફિલ્મ 'થલાઈવી'નો ફર્સ્ટ લુક ટીઝર અને પોસ્ટર રિલીઝ થયો છે અને ત્યારથી જ ફિલ્મમાં કંગનાના લુકને લઈને સોશિયલ મીડિયા પર ચર્ચા શરૂ થઈ ગઈ છે. ફિલ્મમાં કંગના તમિલનાડુના પૂર્વ મુખ્યમંત્રી જયલલિતાના રોલમાં જોવા મળશે. જોકે, ફિલ્મનો ફર્સ્ટ લુક જોયા બાદ કંગના ખૂબ જ ટ્રોલ થઈ રહી છે અને લોકો તેના લુક અંગે જાત-જાતની વાતો કરી રહ્યાં છે અને મજાક ઉડાવી રહ્યાં છે.
કંગનાની મોસ્ટ અવેટેડ ફિલ્મ 'થલાઈવી'નો ફર્સ્ટ લુક રિલીઝ
લુકને કારણે સોશિયલ મીડિયા પર થઈ રહી છે ટ્રોલ
ઘણાં યુઝર્સે ટીઝરની કરી પ્રસંશા
થોડાં સમય પહેલાં રિલીઝ થયેલા 'થલાઈવી'ના ટીઝરમાં કંગના જયલલિતાના અંદાજમાં જોવા મળી હતી. જેમાં કેટલાક લોકોએ કંગનાના આ લુકની ઘણી જ પ્રસંશા કરી, પણ કેટલાકને તેનો મેકઅપ અને લુક બિલ્કુલ પસંદ ન આવ્યો અને તેના માટે લોકોએ અલગ-અલગ કોમેન્ટ્સ કરી તેને ટ્રોલ કરી હતી.
એક યુઝર્સે લખ્યું કે, તે 'થલાઈવી'ના ટીઝરને જોઈને શોક્ડ છે. મેકઅપ ટીમે 'ચાચી 420'ના લુકને કોપી કર્યો છે. આ જયલલિતાજીનું અનાદર છે અને કેટલાકે તો કંગનાના લુકની તુલના નારાજ બટાકા સાથે કરી નાખી હતી.
Saw #Thalaivi teaser, I am absolutely shocked, makeup team has copied Chachi 420 look... its a disrespect to #Jayalalithaa ji.. Shameful
હકીકતમાં ઘણાં લોકોને કંગનાની ફિલ્મ 'થલાઈવી'નો લુક ગમ્યો નથી. જોકે, કંગનાએ આ ફિલ્મ માટે ઘણી મહેનત કરી છે. જયલલિતાનો રોલ પ્લે કરવા માટે કંગના ભરતનાટ્યમ શીખ્યું અને સાથે જ તમિલ ભાષા પર પણ પકડ બનાવી. જયલલિતાના લુક માટે કંગનાએ કલાકો સુધી પ્રોસ્થેટિક સેશન પણ લીધા છે.
'થલાઈવી' હિન્દી સહિત તેલુગુ ભાષામાં પણ બનાવવામાં આવશે. આ ફિલ્મમાં કંગના સિવાય સાઉથના એક્ટર અરવિંદ સ્વામી પણ દેખાશે. તેઓ આ ફિલ્મમાં એમજીઆરનો રોલ પ્લે કરશે. એવા પણ સમાચાર છે કે એક્ટર પ્રકાશ રાજ સીએમ કરૂણાનિધિના રોલમાં જોવા મળશે. 'થલાઈવી' 26 જૂન 2020એ રિલીઝ થશે.