એપિક ડ્રામા 'ધ ઈનકાર્નેશન-સીતા' ફિલ્મમાં સીતાના રોલ માટે પહેલાં કરીના કપૂરનું નામ સામે આવ્યું હતું, પરંતુ હવે આ રોલ પંગા ક્વીન કંગના રનૌત ભજવશે.
ફિલ્મ 'સીતા'માં સીતાના રોલ માટેનો સસ્પેન્સ થયો દૂર
કરીના કપૂર નહીં કંગના ભજવશે 'સીતા'નો રોલ
કંગનાએ સોશિયલ મીડિયા પર વ્યક્ત કરી ખુશી
પદ્મશ્રી પુરસ્કારથી સન્માનિત અને 4 વખત રાષ્ટ્રીય પુરસ્કાર જીતનાર અભિનેત્રી કંગના રાનૌત મોટા પડદા પર જયલલિતાની ભૂમિકા ભજવ્યા બાદ હવે બીજી મોટી ભૂમિકા કરવા જઈ રહી છે. કંગના હવે એપિક ડ્રામા 'ધ ઈનકાર્નેશન-સીતા'માં મુખ્ય ભૂમિકા એટલે કે સીતાનો રોલ ભજવશે. થોડા સમય પહેલાં આની ઓફિશિયલ જાહેરાત કરવામાં આવી છે. જોકે, અગાઉ કરીના કપૂર ખાનનું નામ આ આ ફિલ્મનીમુખ્ય ભૂમિકા માટે સામે આવી રહ્યું હતું. પરંતુ અહેવાલો મુજબ કરીનાએ આ રોલ માટે ખૂબ જ વધારે ફીની માંગણી કરી હતી.
'થલાઇવી' પછી 'સીતા' કંગનાની બીજી પેન ઇન્ડિયા ફિલ્મ હશે, જે 5 ભાષાઓમાં રિલીઝ થશે. આલૌકિક દેસાઈ સીતાનું નિર્દેશન કરવા જઈ રહ્યાં છે. ઘણાં નામોમાં હવે નિર્માતાઓએ કંગનાના નામ પર મહોર લગાવી દીધી છે. સાથે જ કંગનાએ પણ તેના ઇન્સ્ટાગ્રામ પર આ વાતની પુષ્ટિ કરી છે.
કંગનાએ સીતાનું પોસ્ટર શેર કરીને પોતાની ખુશી વ્યક્ત કરી
એસએસ સ્ટુડિયોના નિર્માતા સલોની શર્માએ કહ્યું, એક મહિલા તરીકે મારા કરતાં કંગનાનું આ ફિલ્મમાં સ્વાગત કરવામાં મારા કરતાં વધારે કોઈ ખુશ ન હોઈ શકે. કંગનામાં એક વાસ્તવિક ભારતીય સ્ત્રીના બધાં ગુણો છે ..નિર્ભય, બહાદુર અને સ્પષ્ટવક્તા. આ તક છે કે અમે દરેક અર્થમાં સમાનતાની ઉજવણી કરીએ.
કંગનાના વર્ક ફ્રન્ટની વાત કરીએ તો અભિનેત્રી આ સમયે ખૂબ જ વ્યસ્ત છે. તેની ફિલ્મ 'થલાઇવી' હાલમાં જ થિયેટરોમાં રિલીઝ થઇ છે. આ સાથે અભિનેત્રી 'ધાકડ' અને 'તેજસ'ના શૂટિંગમાં પણ વ્યસ્ત છે. બીજી બાજુ તેની નવી ફિલ્મ 'સીતા'ની વાત કરીએ તો થોડાં સમય પહેલાં એવા અહેવાલો આવ્યા હતા કે ફિલ્મના લેખક કેવી વીજેન્દ્ર પ્રસાદની આ ભૂમિકા માટે પહેલી પસંદ કંગના રાનૌત જ છે.