IPLIN
 

બોલિવૂડ / કંગના રનૌતે શશિ થરૂરને લીધા આડે હાથ, કહ્યું- અમારા પ્રેમ પર પ્રાઈસ ટેગ ન લગાવો, અમને પૈસા નહીં...

Team VTV 04:51 PM, 05 Jan 21 | Updated: 08:30 PM, 06 Jan 21
Follow us
kangana Ranaut Targets Congress Leader Shashi Tharoor On His Latest Tweet

બોલિવૂડ એક્ટ્રેસ કંગના રનૌત છેલ્લા ઘણાં સમયથી તેની ફિલ્મને કારણે નહીં પરંતુ તેના વિવાદાસ્પદ નિવેદનોને કારણે ચર્ચામાં રહે છે. કંગના જ્યારથી સોશિયલ મીડિયા પર એક્ટિવ થઈ છે ત્યારથી વિરોધીઓ પર નિશાન સાધવા ટ્વિટ્સ કરતી રહે છે. ત્યારે હવે કંગનાએ કોંગ્રેસ નેતા શશિ થરૂરને આડે હાથ લીધો છો. હકીકતમાં શશિ થરૂરે એક્ટર કમલ હાસનના એક નિવેદનની પ્રસંશા કરી છે, જેમાં તેમણે ઘરમાં કામ કરનારને સેલરાઈડ પ્રોફેશન બનાવવા ભલામણ કરી છે.

  • કંગનાએ ફરી સર્જ્યો વિવાદ
  • શશિ થરૂરને લીધો આડે હાથ
  • કંગનાએ કહ્યું- મહિલાઓને પૈસાની નહીં પ્રેમની જરૂર છે

શશી થરૂરે પોતાના ટ્વિટમાં લખ્યું છે કે, 'હું કમલ હાસનના એ વિચારને આવકારું છું જેમાં તેમણે કહ્યું છે કે ઘરનું કામ કરનારને સેલરાઈડ પ્રોફેશનનો દરજ્જો મળવો જોઈએ અને આ માટે રાજ્ય સરકારોએ ઘરમાં કામ કરતી મહિલાઓને માસિક ભથ્થું આપવું જોઈએ. આના દ્વારા ઘરે કામ કરતી મહિલાઓને સમાજમાં ઓળખ મળશે અને તેમની સેવાઓ બદલે તેમની આવક પણ થશે. જેનાથી તેમની શક્તિ, આત્મનિર્ભરતામાં વધારો થશે અને યૂનિવર્સલ બેસિક ઈન્કમનની નજીક પહોંચવામાં મદદ મળશે. 

પરંતુ એવું લાગે છે કે કંગનાને કમલ હાસન અને શશિ થરૂરના વિચારો સમજાયા નહીં. કંગનાએ આના જવાબમાં લખ્યું, 'અમારા પ્રેમ પર પ્રાઈસ ટેગ ન લગાવો. અમારા પ્રિયજનોનું ધ્યાન રાખવા બદલ અમને પૈસા આપવાની જરૂર નથી. બધી વસ્તુઓેને વેપારની જેમ જોવાનું બંધ કરી દો અને તમારા ઘરની મહિલા પ્રત્યે સંપૂર્ણ રીતે સમર્પિત રહો કારણ કે તેને માત્ર તમારી અને તમારા પ્રેમની જરૂર છે. સેલરીની નહીં.  

વર્ક ફ્રન્ટની વાત કરીએ તો કંગનાએ ગત મહિને તેની આગામી ફિલ્મ 'થલાઇવી'નું શૂટિંગ પૂર્ણ કર્યું હતું, જેમાં તે તમિળનાડુના પૂર્વ મુખ્યમંત્રી જયલલિતાની ભૂમિકા નિભાવતી જોવા મળશે. ત્યારે હાલમાં જ કંગના મુંબઇ પરત ફરી છે અને તેણે તેની ફિલ્મ 'ધાકડ'નું શૂટિંગ શરૂ કરી દીધું છે. આ ફિલ્મમાં તે એક જાસૂસ તરીકે જોવા મળશે અને અર્જુન રામપાલ પણ એક ભૂમિકામાં જોવા મળશે. આ સિવાય કંગનાની ફિલ્મ 'તેજસ'નું શૂટિંગ પણ ટૂંક સમયમાં શરૂ થશે, જેમાં તે ભારતીય વાયુ સેનાની ફાઇટર પાઇલટ તરીકે જોવા મળશે.

Shashi Tharoor targets Kangana Ranaut
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ