બોલીવુડ મસાલા / બૉલીવુડનાં ચમચાઓ શોકમાં છે, કંગના ફરી ભડકી, The Kashmir Files ને લઈને શું કહી દીધું જુઓ

• 'ધ કશ્મીર ફાઈલ્સ' ફિલ્મને લઈને કંગનાએ સાધ્યો બોલિવુડ પર નિશાનો 
• 'બોલીવુડનો ટાઈમ ઓવર' - કંગના 
• ગુજરાતમાં થઈ ટેક્સ ફ્રી

'ધ કશ્મીર ફાઈલ્સ' ફિલ્મને લઈને કંગનાએ સાધ્યો બોલિવુડ પર નિશાનો 

'ધ કશ્મીર ફાઈલ્સ' બોક્સ ઓફીસ પર ધમાલ મચાવી રહી છે. ઓછી સ્ક્રીન મળ્યા બાદ પણ આ ફિલ્મ શાનદાર બીઝનેસ કરી રહી છે. ફિલ્મ નિર્દેશક વિવેક અગ્નિહોત્રીનાં કામના લોકો ખૂબ જ વખાણ કરી રહ્યા છે. આમાં એક નામ કંગના રનૌતનું પણ છે. તેમણે ન માત્ર ફિલ્મનાં વખાણ કર્યા, પરંતુ આ ફિલ્મને લઈને બોલિવુડ પર નિશાનો પણ સાધ્યો છે. 

કંગના રનૌતે પોતાના ઇન્સ્ટાગ્રામ સ્ટોરી પર લખ્યું છે કે, કૃપા કરીને ધ કશ્મીર ફાઈલ્સ ફિલ્મને લઈને ફિલ્મ ઈંડસ્ટ્રીનાં આ પિન ડ્રોપ સાઈલન્સને નોટિસ કરો. આ ફિલ્મનું ન માત્ર કન્ટેન્ટ પરંતુ બીઝનેસ પણ ખૂબ જ શાનદાર રહ્યો છે. આ ફિલ્મનું ઇન્વેસ્ટમેંટ અને પ્રોફિટ એક એવી કેસ સ્ટડી બની શકે છે કે આ ફિલ્મ વર્ષની સૌથી સફળ અને લાભદાયક ફિલ્મ રહેશે. 

તે લખે છે કે આ ફિલ્મે એ ભ્રમને તોડ્યો છે કે સિનેમાઘરોમાં મોટા બજેટની ફિલ્મો કે વિઝ્યુઅલ ઈફેક્ટવાળી ફિલ્મો જ પસંદ કરવામાં આવે છે. આ ફિલ્મ આ ભ્રમને તોડીને દર્શકોને સિનેમાઘરોમાં પાછા લાવી રહી છે. મલ્ટીપ્લેકસમાં સવારે 6 વાગ્યે શો ફૂલ છે જે એક અસાધારણ વાત છે. 

આ સાથે જ તેણે બોલિવુડને પણ નિશાનો બનાવ્યો છે. તે લખે છે કે બોલિવુડ અને તેના ચમચા શોકમાં ચાલ્યા ગયા છે, આખી દુનિયા જોઈ રહી છે તેમને પરંતુ તેઓ છતાં પણ કંઈ કરી રહ્યા નથી. તેમનો ટાઈમ હવે ઓવર. 

કપિલ શર્મા શોમાં ન હતું થયું પ્રમોશન 
વિવેકે કપિલ પર સીધો નિશાનો સાધ્યો. તેમણે ખુલીને આ વિષે વાત કરી કે હું ખુદ કપિલ શર્મા શોનો મોટો ફેન છું. પરંતુ તેમણે અમને પોતાના શોમાં બોલાવવાની નાં પાડી છે, કેમકે અમારી ફિલ્મમાં વધારે કમર્શિયલ એક્ટર્સ નથી કે કોઈ મોટું સ્ટાર નથી. બોલિવુડમાં નોન સ્ટાર્ટર્સ ડાયરેક્ટર્સ, રાઈટર્સ તથા સારા એક્ટર્સને કઈ સમજવામાં આવતા નથી. 

I don’t get to decide who should be invited on @KapilSharmaK9 show. It’s his and his producers choice whom he wants to invite. As far as Bollywood is concerned, I’d say what once Mr. Bachchan was quoted saying about Gandhis: वो राजा हैं हम रंक… https://t.co/la8y9FhB6l

— Vivek Ranjan Agnihotri (@vivekagnihotri) March 7, 2022

ગુજરાતમાં થઈ ટેક્સ ફ્રી
1990માં થયેલ કશ્મીરી પંડિતોનાં નરસંહારની ઘટનાને પડદા પર ફરી તાજી કરતી ધ કશ્મીર ફાઈલ્સ ફિલ્મને ગુજરાતમાં પણ કરમુક્ત કરવાનો નિર્ણય કરવામાં આવ્યો છે. રાજ્યના મુખ્યમંત્રી ભૂપેન્દ્ર પટેલના કાર્યાલય દ્વારા ટ્વીટ કરીને આ અંગે જાણકારી આપી હતી. 

હરિયાણા અને મધ્યપ્રદેશમાં પણ કરાઈ છે કરમુક્તીની જાહેરાત

હરિયાણાની  સાથેસાથે મધ્ય પ્રદેશે પણ ધ કશ્મીર ફાઇલ્સને ટેક્સ ફ્રીની ઘોષણા કરી છે. આ ફિલ્મને ભારતમાં ૭૦૦ સ્ક્રીન પર જ રીલિઝ કરવામાં આવી છે. ફિલ્મના પ્રથમ દિવસે અંદાજે રડપિયા ૩ કરોડનું કલેકશન કર્યું હોવાનું કહેવાઇ રહ્યું છે. 

પ્રોડયૂસર અભિષેક અગ્રવાલ, નિર્દેશક વિવેક રંજન અગ્નિહોત્રી અને એક્ટર પલ્લવી જોશી સહીત 'The Kashmir Files'ની ટીમે શનિવારે ભારતનાં પ્રધાનમંત્રી નરેન્દ્ર મોદીની મુલાકાત લીધી. પીએમ નરેન્દ્ર મોદીએ ફિલ્મના વખાણ કર્યા અને ટીમની પ્રધાનમંત્રી નરેન્દ્ર મોદી સાથેની મુલાકાતની તસવીરો ઇન્ટરનેટ પર વાયરલ થઇ રહી છે.