બોલિવૂડની પંગા ક્વીન એટલે કે કંગના રનૌત સોશિયલ મીડિયા પર ખૂબ જ એક્ટિવ રહે છે અને અવાર-નવાર પોતાના વિચારો ખુલીને રાખે છે. હાલમાં જ તેણે એક વીડિયો પર તીખી પ્રતિક્રિયા આપી છે. જેમાં એવો દાવો કરવામાં આવ્યો કે કરણ જોહરની કંપની ધર્મા પ્રોડક્શને ગોવાના એક ગામમાં શૂટિંગ પછી બાયોમેડિકલ વેસ્ટ ખુલ્લામાં છોડીને પરત આવી ગઈ છે. કંગનાએ આ મુદ્દે કરણ ઉપર નિશાન સાધતા પર્યાવરણ, જંગલ અને જલવાયુ પરિવર્તન મંત્રી પ્રકાશ જાવડેકરને મદદ માટે વિનંતી કરી દીધી હતી.
કરણ જોહર પર ભડકી કંગના
ગોવામાં ગંદકી કરવા પર સાધ્યું નિશાન
કંગનાએ આ મુદ્દે કરણ ઉપર નિશાન સાધતા મંત્રી પ્રકાશ જાવડેકરને મદદ માટે વિનંતી કરી
કંગનાએ કરણ જોહરની સાથે ઈન્ડસ્ટ્રીને પણ આડે હાથ લીધી હતી. તેણે ટ્વિટ કરીને લખ્યું કે, ફિલ્મ ઈન્ડસ્ટ્રી એ ન માત્ર દેશના નૈતિક મૂલ્યો અને સંસ્કૃતિ માટે એક વાયરસ છે. પરંતુ આ પર્યાવરણ માટે પણ ખુબ જ નુકસાનકારક અને ઘાતક બની ગઈ છે. એક મોટા પ્રોડક્શન હાઉસના આ બેદરકારીભર્યા વર્તનને જુઓ અને મહેરબાની કરીને મદદ કરો. આ ટ્વિટમાં તેણે પર્યાવરણ, જંગલ અને જલવાયુ પરિવર્તન મંત્રી પ્રકાશ જાવડેકર અને મંત્રાલયના ઓફિશિયલ ટ્વિટર હેન્ડલ ને ટેગ કર્યું છે.
Movie industry is not a virus just for the moral fibre n culture of this nation but it has become very destructive and harmful for the environment also, @PrakashJavdekar ji @moefcc see this disgusting,filthy,irresponsible behaviour by so called big production houses, pls help 🙏 https://t.co/EZfzrIWz06
કંગનાની આ પ્રતિક્રિયા એ સમયે સામે આવી જ્યારે એક યુઝરે એક ન્યૂઝ હેડલાઈનના સ્ક્રિનશોટ શેર કર્યા હતા. જેમાં દાવો કરવામાં આવ્યો છે કે ધર્મા પ્રોડક્શનએ ગોવામાં આવેલા એક ગામમાં નેરૂલમાં દીપિકા પાદુકોણની સાથે એક ફિલ્મનું શુટિંગ પૂર્ણ કર્યા પછી કઈ રીતે ગંદકી ફેલાવી છે.
તમને જણાવી દઈએ કે કંગના પહેલાં પણ લોખાંચો એકવોટ ગોવા નામના એક એનજીઓએ આ મુદ્દા પર કરણ પાસે લેખિતમાં માફીનામું માગ્યું હતું. એનજીઓએ કહ્યું છે કે જો કરણની તરફથી કોઈ જવાબ નહીં આવે તો તે આવતા સપ્તાહે બોમ્બે હાઈકોર્ટમાં અરજી દાખલ કરશે. કરણની ટીમ ગોવાની રાજધાની પણજીથી 10 કિમી દૂર નેરુલ ગામમાં શૂટિંગ પછી ઉપયોગ કરેલી પીપીઈ કિટ અને અન્ય ગંદકી કરીને આવી ગઈ છે.