કંગના રનૌતે હાલમાં જ એક ઈન્ટરવ્યુ આપ્યું હતું અને આ ઈન્ટરવ્યુ દરમિયાન તેણે કંઈક એવું કહ્યું કે સ્ટાર કિડ્સને આંચકો જરૂર લાગશે. તેણે ફરી એકવાર પોતાના નિવેદનથી સ્ટાર કિડ્સને ઘેરી લીધા છે.
ફરી કંગનાએ સ્ટાર કિડ્સને લીધા નિશાને
સ્ટાર કિડ્સને લઈને આપ્યું મોટુ નિવેદન
નિવેદનથી થઈ શકે વિવાદ
બોલિવૂડ અભિનેત્રી કંગના રનૌત તેના વિવાદાસ્પદ નિવેદનો માટે જાણીતી છે. જો કંગનાને કોઈ વાત પસંદ ન હોય તો તે તેનો ખુલ્લેઆમ વિરોધ કરે છે. કંગના રનૌત ઘણી વખત સ્ટાર કિડ્સને પોતાના નિશાના પર લેતી રહે છે અને ફરી એકવાર તેણે બોલિવૂડના સ્ટાર કિડ્સ વિશે મોટું નિવેદન આપ્યું છે.
સાઉથના સ્ટાર્સના કર્યા વખાણ
કંગના રનૌતે આ વાત સાઉથ સિનેમા અને તેમના સ્ટાર વિશે વાત કરતા કહી છે. અભિનેત્રીએ એમ પણ કહ્યું છે કે સાઉથ સિનેમાના સ્ટાર્સની સરખામણીમાં દર્શકોને બોલિવૂડના સ્ટાર કિડ્સ સાથે જોડાવું મુશ્કેલી લાગી રહી છે. તેણે હાલમાં જ એક ખાનગી ટીવી ચેનલને ઈન્ટરવ્યુ આપ્યો હતો. આ દરમિયાન કંગના રનૌતે તેની આગામી ફિલ્મ 'ધાકડ' વિશે ઘણી વાતો કરી. સાઉથ સિનેમા અને બોલિવૂડ વિશે પણ વાત કરી.
સ્ટાર કિડ્સને ગણાવ્યા બાફેલા ઈંડા જેવા
કંગના રનૌતે કહ્યું, 'સાઉથ ઈન્ડિયન સિનેમાના સ્ટાર્સ જે રીતે પોતાને દર્શકો સાથે કનેક્ટ કરે છે તે ખૂબ જ અદભૂત છે. ત્યાંના કલાકારો ફેન્સ સાથે ભળવાનો પ્રયાસ કરે છે અને આપણાં ત્યાં શું થાય છે. તેમના બાળકો (સ્ટાર કિડ્સ) અભ્યાસ માટે વિદેશ જાય છે. અંગ્રેજીમાં વાતો કરે છે. ફક્ત હોલિવુડની ફિલ્મો જુએ છે. કાંટા ચમચીથી ભોજન કરે છે. તો જણાવો આપણા દર્શકો તેમની સાથે કનેક્ટ કઈ રીતે કરી શકે?
અલ્લુ અર્જુનના કર્યા વખાણ
પોતાની વાત આગળ વધારતા કંગનાએ કહ્યું, "આ લોકો જોવામાં પણ આજીબ લાગે છે અવા લાગે છે જાણે બાફેલા ઈંડા. તેમનો આખો લુક જ બદલી નાખવામાં આવ્યો છે. તો લોકો કઈ રીતે રીલેટ કરશે. મારો હેતુ કોઈને ટ્રોલ કરવાનો નથી."
ત્યાર બાદ કંગનાએ સાઉથ ફિલ્મોના એક્ટર અલ્લૂ અર્જૂનની ફિલ્મ પુષ્પાના વખાણ કર્યા અને કહ્યું કે આજના સમયમાં બોલિવુડમાં આવા કોઈ પણ સ્ટાર નથી જે શ્રમિક જેવા દેખાય શકે.