કંગના રનૌતની બહેન રંગોલી ચંદેલ તેની બહેન કંગનાનું ખુલ્લેઆમ સમર્થન તો કરે જ છે, સાથે જ તે સમગ્ર બોલિવૂડ ઈન્ડસ્ટ્રી પર નિશાન સાધતી રહે છે. એકવાર ફરી રંગોલીએ બોલિવૂડ વિરૂદ્ધ વિવાદાસ્પદ નિવેદન આપ્યું છે. તેણે સમગ્ર બોલિવૂડ ઈન્ડસ્ટ્રીને ચેલેન્જ કર્યો છે.
કંગના રનૌતની બહેન રંગોલી ચંદેલ ફરી બગડી
રંગોલીએ બોલિવૂડને આપ્યો ઓપન ચેલેન્જ
કહ્યું-પોતાના દમ પર ફિલ્મ હિટ કરી બતાવે
તમને જણાવી દઈએ કે, રંગોલી ચંદેલે એક ટ્વિટ કરીને સમગ્ર બોલિવૂડને ચેલેન્જ આપ્યો છે. રંગોલીએ કહ્યું, જો કોઈ બોલિવૂડ એક્ટ્રેસ પોતાના દમ પર 70થી 100 કરોડની એક બિગ બજેટ ફિલ્મ હિટ કરી બતાવશે અને જે કોઈ સાચું નામ જણાવશે તો કંગના રનૌત તેનું ફિલ્મી કરિયર છોડી દેશે.
My open challenge to the industry can any girl in today’s time solo carry a film above 60-70-80-100cr budget other than Kangana....??? If you give me a legit name Kangana will stop acting forever .... 🙏
રંગોલીએ એમ જ આ ટ્વિટ નથી કરી. હકીકતમાં થોડાં દિવસ પહેલાં એક ઈન્ટરવ્યૂમાં બાગી 3ના ડિરેક્ટર અહમદ ખાને એક વિવાદાસ્પદ નિવેદન આપ્યું હતું. તેમના કહેવા પ્રમાણે કંગનાની ફિલ્મ મણિકર્ણિકા પર ઘણાં પૈસા લગાવ્યા પરંતુ તેમ છતાં આ ફિલ્મને ભારે નુકસાન વેઠવું પડ્યું. કંગનાની બહેને એહમદ ખાનના આ વલણનો જડબાતોડ જવાબ આપ્યો હતો. તેણે કહ્યું હતું કે, બાગી 3એ પહેલા વીકએન્ડમાં 49 કરોડનો બિઝનેસ કર્યો છે, જ્યારે મણિકર્ણિકાએ 45 કરોડનો બિઝનેસ કર્યો હતો. રંગોલીએ એ વાત પર પણ નારાજગી વ્યક્ત કરી હતી કે, 150 કરોડથી વધુ કમાણી કરનારી કોઈપણ ફિલ્મને ફ્લોપ કેવી રીતે કહી શકાય.
Soch kar bhi darr lagta hai agar Manikarnika itni successful na hoti toh yeh Bollywood vultures kya karte Kangana ke saath, she really loves to live on the edge, just when you think she is gone she rises like a Phoenix ☺️🙏 https://t.co/LzKPXKYJvh
જોકે, આ પહેલીવાર નથી જ્યારે રંગોલી સમગ્ર બોલિવૂડ ઈન્ડસ્ટ્રીથી નારાજ થઈ છે. આ પહેલાં તે ડિરેક્ટર કરણ જોહર પર પણ કટાક્ષ કરી ચુકી છે. તેમની ફિલ્મ તખ્ત પર તેના તીક્ષ્ણ પ્રશ્નો હતા. વર્ક ફ્રન્ટની વાત કરીએ તો કંગના રાનૌત જયલલિતાની બાયોપિક થલાઈવીમાં જોવા મળશે. ફિલ્મનું ટીઝર રિલીઝ કરવામાં આવ્યું છે અને તેને ખૂબ પસંદ કરવામાં આવી રહ્યું છે.