કંગના રનોત 18 સપ્ટેમ્બર 2022ના દિવસે પોતાની ઈન્સ્ટાગ્રામ સ્ટોરી પર બાળપણની બે તસ્વીરો પોસ્ટ કરી. જેમાં કંગનાએ જણાવ્યું કે તે બાળપણથી જ ઈન્દિરા ગાંધી જેવી દેખાતી હતી.
કંગના રનોતે બાળપણની બે તસ્વીરો પોસ્ટ કરી
‘હું બાળપણથી જ ઈન્દિરા ગાંધી જેવી દેખાતી હતી’
મારા ઘણા સંબંધીઓ મને ઈન્દિરા ગાંધી કહેતા હતા
કંગના અપકમિંગ ફિલ્મ ઈમરજન્સીને લઇને છે ચર્ચામાં
બોલીવુડ ક્વીન કંગના રનોત હાલમાં પોતાની અપકમિંગ પૉલિટિકલ ડ્રામા ફિલ્મ ઈમરજન્સીને લઇને ચર્ચામાં છે. ફિલ્મમાં કંગના, વડાપ્રધાન ઈન્દિરા ગાંધીનુ પાત્ર નિભાવી રહી છે. ફિલ્મનુ ટીઝર 14 જુલાઈના રોજ જાહેર કરી દેવામાં આવ્યું છે. જેને જોઇને લોકોએ કંગનાના પાત્રને ખૂબ પસંદ કર્યો. આ ઉપરાંત અભિનેત્રી વારંવાર ફિલ્મના પાત્રો અને તેના લુકને પોતાના ઈન્સ્ટાગ્રામ પર અપડેટ કરે છે.
બાળપણથી ઈન્દિરા ગાંધી જેવી દેખાતી હતી કંગના
તસ્વીરમાં કંગના સ્કૂલ ડ્રેસમાં જોવા મળી રહી છે. તેના વાળ નાના છે. કંગનાએ પોસ્ટની સાથે કેપ્શન પણ લખ્યું કે બાળપણમાં મારા ઘણા સંબંધીઓ મને ઈન્દિરા ગાંધી કહેતા હતા. કારણકે મારા વાળ ઈન્દિરા ગાંધી જેવા હતા. આ સાથે અભિનેત્રીએ #emergency લખ્યુ. કંગનાએ પોતાના બાળપણની વધુ એક તસ્વીર શેર કરી અને લખ્યું કે મેં બાળપણમાં પણ કોઈની હેરસ્ટાઈલ ફોલો કરી નથી. હું ગામમાં નાઈની પાસે જતી હતી અને જે હેરકટ મને પસંદ આવતા હતા તે હું કરાવતી હતી. મને હંમેશા નાના વાળ જ પસંદ આવતા હતા. જેને કારણે મારા ઘણા કાકા મને ઈન્દિરા ગાંધી કહીને બોલાવતા હતા.
પોતાની ઓળખને લઇને ચિંતિત છે કંગના
મહત્વનું છે કે, હાલમાં કંગનાએ ઈન્સ્ટાગ્રામ પર એક ફિલ્મ સેટ પરથી તસ્વીર શેર કરી હતી. જેમાં તે ઈન્દિરા ગાંધીના લુકમાં જોવા મળી રહી હતી. કંગનાએ કેપ્શન પણ લખ્યું હતુ, જેમાં તે પોતાની ઓળખને લઇને ખૂબ ચિંતિત જોવા મળી. કંગનાએ જણાવ્યું કે કેવીરીતે એક અભિનેતા જૂના પાત્રમાં ઢળ્યાં બાદ ક્યારેય પણ જૂના વ્યક્તિ થતા નથી.