બોલિવૂડ એક્ટ્રેસ કંગના રનૌત પોતાના બેબાક અને બિન્દાસ અંદાજ માટે જાણીતી છે. પંગા ગર્લ સોશિયલ મીડિયા પર ખૂબ જ એક્ટિવ રહે છે અને ડર્યા વિના પોતાના વિચારો ફેન્સ સાથે શેર કરતી જોવા મળે છે. કંગના આમ તો મોટાભાગે ફિલ્મ, રાજકરણ અને સામાજિક મુદ્દાઓ વિશે વાત કરતી જોવા મળે છે, જોકે, હવે કંગનાએ એ વાતનો ખુલાસો કર્યો છે કે, નેપોટિઝ્મ અને બોલિવૂડ માફિયા કરતાં પણ એક વસ્તુ છે જે સૌથી ખરાબ છે, જેની આદત તેને અત્યાર સુધી પડી નથી.
બોલિવૂડ એક્ટ્રેસ કંગના રનૌત પોતાના બેબાક અને બિન્દાસ અંદાજ માટે જાણીતી છે
પંગા ગર્લ સોશિયલ મીડિયા પર ખૂબ જ એક્ટિવ રહે છે
આ વાતથી કંગનાને લાગે છે ડર
કંગનાએ આ વિશે વાત કરતા ટ્વિટ કરીને જણાવ્યું કે, નેપોટિઝ્મ અને બોલિવૂડ માફિયા સિવાય એક એક્ટર તરીકે સૌથી ભયાનક વસ્તુ નાઈટ શિફ્ટ હોય છે. જ્યારે સૂર્યોદય થાય છે ત્યારે તમે સૂતા હોવ છો અને તમારી બોડી ક્લોક અને ફૂડ સાયકલ બગડી જાય છે. શરૂઆતની કેટલીક રાતે મને ભૂખ નહોતી લાગતી અને હું પોતાની જાતને ક્યાંક ખોવાયેલ અનુભવતી હતી. મારી બોડીને આની આદત પડે તેની રાહ જોઈ રહી છું, ટ્વિટર પર શું નવું ચાલી રહ્યું છે?
Apart from nepotism and movie mafia most awful thing about being an actor is night shifts.When sun rises you sleep, body clock and food cycle goes for a toss. First few nights I feel loss of appetite and disoriented. Hmmmm waiting for my body to adapt, what’s the news on twitter?
તમને જણાવી દઈએ કે, કંગના રનૌત અત્યારે તેની આગામી ફિલ્મ ધાકડની શૂટિંગ કરી રહી છે. આ ફિલ્મમાં તે જબરદસ્ત એક્શન કરતા જોવા મળશે. કંગના હાલમાં જ શૂટિંગ માટે ભોપાલ પહોંચી હતી. આ પહેલાં કંગનાએ ફિલ્મ થલાઈવીની શૂટિંગ પૂરી કરી હતી. આ ફિલ્મમાં કંગના રનૌત તમિલનાડુના પૂર્વ મુખ્યમંત્રી જયલલિતાનો રોલ પ્લે કરતા જોવા મળશે.
કંગના પર સ્ટોરી ચોરી કરવાનો લાગ્યો આરોપ
આ સિવાય ફિલ્મ તેજસની શૂટિંગ પણ કંગના આ વર્ષે જ શરૂ કરવાની છે. તેજસમાં તે ભારતીય વાયુ સેનાની પાયલટનો રોલ પ્લે કરતા જોવા મળશે. હાલમાં જ કંગનાએ પોતાની એક વધુ ફિલ્મ મણિકર્ણિકા રિટન્સઃ ધ લેજેન્ડ ઓફ દિદ્દાની જાહેરાત કરી હતી. જેમાં આ ફિલ્મની સ્ટોરી ચોરી કરવાનો તેના પર આરોપ લાગ્યો છે. લેખક આશીષ કૌલએ પોતાની બુક Didda: The Warrior Queen of Kashmirની સ્ટોરી ચોરી કરવાનો કંગના પર આરોપ લગાવ્યો હતો.