બોલીવુડ અભિનેત્રી કંગના રનૌત માટે આજનો દિવસ ખૂબ જ સ્પેશિયલ છે. આજે કંગનાને પદ્મશ્રી એવોર્ડથી સન્માનિત કરવામાં આવી છે અને આ સાથે કંગના માટે બીજી મહત્વની વાત એ છે કે કંગનાની પ્રોડ્યુસર તરીકે પણ શરૂઆત આજથી થઇ રહી છે.
બોલીવુડ અભિનેત્રી કંગના રનૌત માટે આજનો દિવસ ખૂબ જ સ્પેશિયલ
કંગના રનૌતને પદ્મશ્રી એવોર્ડથી સન્માનિત કરવામાં આવી
પ્રોડક્શન હાઉસ મણિકર્ણિકાના ફિલ્મ હેઠળ બનતી ફિલ્મનું પોસ્ટર રિલીઝ
ફિલ્મ ટિકૂ વેડ્સ શેરુનું પોસ્ટર રિલીઝ
કંગના રનૌતના પ્રોડક્શન હાઉસ મણિકર્ણિકાના ફિલ્મ હેઠળ બની રહેલી ફિલ્મ ટિકૂ વેડ્સ શેરૂનું પોસ્ટર પણ રિલીઝ થયુ છે. ફિલ્મમાં નવાઝુદ્દીન સિદ્દીકીની સાથે અવનીત કૌર પણ જોવા મળશે. કંગના રનૌતે સોશિયલ મીડિયામાં ડબલ ખુશખબરી શેર કરતા લખ્યું, જે દિવસે હું પદ્મશ્રી સન્માન લઇ રહી છુ. એ દિવસે મારી પ્રોડ્યુસર તરીકે નવી જર્ની શરૂ થઇ રહી છે. પોતાના પ્રોડક્શન મણિકર્ણિકા ફિલ્મ પ્રાઈવેટ લિમિટેડના બેનર હેઠળ બની રહેલી ટીકૂ વેડ્સ શેરૂનો ફર્સ્ટ લુક સૌપ્રથમ તમારી સાથે શેર કરી રહી છુ. આ મારા દિલની ખૂબ નજીક છે અને આશા છે કે તમને આ પસંદ આવશે. શુટિંગ શરૂ થઇ ગયુ છે અને થોડા સમયમાં અમે થિયેટર્સમાં મળીશું.
નવાઝુદ્દીન સિદ્દીકીએ ફિલ્મના ત્રણ પોસ્ટર શેર કર્યા
ફિલ્મના પોસ્ટરની વાત કરીએ તો આ પોસ્ટરમાં કૈરેક્ટરના લુક્સની સાથે તેના જોરદાર ડાયલોગ પણ શેર કરવામાં આવ્યાં છે. આ ફિલ્મમાં ફરી એક વખત નવાઝુદ્દીન સિદ્દીકી અલગ રંગમાં જોવા મળશે. નવાઝુદ્દીન સિદ્દીકીએ સોશિયલ મીડિયામાં ફિલ્મના ત્રણ પોસ્ટર શેર કર્યા છે. જેમાં પહેલામાં લખ્યું છે, આ રિયા હૂં ઓર યે સચ હૈ. બીજુ પોસ્ટર ટીકૂનુ છે, જેની સાથે લખ્યું છે, ચલો તો ચાંદ તક, નહીં તો શામ તક. આ પોસ્ટરમાં અવનીત કૌર જોવા મળી રહી છુ. જ્યારે ત્રીજા પોસ્ટરમાં શેરૂ એટલેકે નવાઝુદ્દીન સિદ્દીકી છે. આ પોસ્ટરની સાથે લખ્યું છે, હમ જબ ભી મિલતે હૈ, તો દિલ સે મિલતે હૈ, વરના ખ્વાબો મેં ભી મુશ્કિલ સે મિલતે હૈ. હવે જોવાનું રહે કે અવનીત કૌરની સાથે નવાઝુદ્દીન સિદ્દીકીની જોડી કેટલી જામે છે. બંનેની વચ્ચે ઉંમરનો તફાવત વધુ છે.
કંગનાને સર્વશ્રેષ્ઠ અભિનેત્રી માટે રાષ્ટ્રીય ફિલ્મ પુરસ્કાર પણ અપાયો
જો કંગના રનૌતની વાત કરીએ તો કંગનાએ ગ્રીન અને ગોલ્ડન કલરની સાડી પહેરી પદ્મ એવોર્ડ લીધો. આ દરમ્યાન કંગનાની બહેન રંગોલી ચંદેલ પણ દિલ્હીના રાષ્ટ્રપતિ ભવનમાં એવોર્ડ લેવા માટે ગઇ હતી. કંગના રનૌતને હાલમાં સર્વશ્રેષ્ઠ અભિનેત્રી માટે રાષ્ટ્રીય ફિલ્મ પુરસ્કાર પણ આપવામાં આવ્યો છે. કંગનાને તેની બે ફિલ્મો મણિકર્ણિકા અને પંગા માટે આ પુરસ્કાર મળ્યો હતો.