કંગના રનૌત બોલિવૂડની સફળ અભિનેત્રીઓમમાંની એક છે. તેણે 15 વર્ષ પહેલાં આજના જ દિવસે ગેંગસ્ટર ફિલ્મથી બોલિવૂડમાં ડેબ્યૂ કર્યું હતું. આ ફિલ્મમાં બેસ્ટ એક્ટિંગ માટે તેનો એવોર્ડ પણ મળ્યો હતો.
કંગનાએ ઈન્ડસ્ટ્રીમાં 15 વર્ષ પૂરા કર્યા
કંગનાએ શાહરૂખ સાથે પોતાની સરખામણી કરી
કંગનાએ પિતા અને દાદાને લઈને કહી આ વાત
જોકે, કંગનાનો આ સફર એટલો સરળ નહોતો. સમાજથી પહેલાં તેને તેના ઘરમાં જ વિરોધનો સામનો કરવો પડ્યો હતો. આજે ગેંગસ્ટર મૂવીને 15 વર્ષ પૂરા થવા પર કંગનાએ ટ્વિટ કરીને ફિલ્મી સફરમાં પોતાની લડત વિશે જણાવ્યું છે. કંગનાએ ટ્વિટ કર્યું- દરેક સ્ટેપ યુદ્ધ સમાન હતું, જેની શરૂઆત મારા પિતાજી અને દાદાજીથી થઈ હતી. તેમણે મારું જીવન બદતર કરી નાખ્યું હતું અને તેમ છતાં કામયાબી મળવાના 15 વર્ષ બાદ પણ જીવન માટે રોજ લડવું પડે છે પણ તે હકદાર છે. બધાંનો આભાર.
15 years ago Gangster released today, Shahrukh Khan ji and mine are the biggest success stories ever but SRK was from Delhi, convent educated and his parents were involved in films, I did not know a single word of English, no education, came from a remote village of HP and 1/2 pic.twitter.com/CEw72pvtds
આગળ તેણે શાહરૂખ સાથે પોતાની તુલના કરીને લખ્યું-15 વર્ષ પહેલાં ગેંગસ્ટર આજે રિલીઝ થઈ હતી. શાહરૂખ ખાનજી અને મારી કહાની સૌથી મોટી સક્સેસ સ્ટોરીઝ છે પણ શાહરૂખ દિલ્હીથી છે, કોન્વેંટમાં અભ્યાસ કર્યો છે અને તેમના પેરેન્ટ્સ પણ ફિલ્મથી જોડાયેલા હતા, જ્યારે મને અંગ્રેજીનો એક શબ્દ પણ નહોતો આવડતો, કોઈ શિક્ષણ નહીં, હિમાચલ પ્રદેશના એક અંતરિયાળ ગામડામાંથી આવી હતી.
તમને જણાવી દઈએ કે કંગનાએ અનેક હિટ ફિલ્મો આપી છે અને તે 3 વખત બેસ્ટ એક્ટ્રેસનો નેશનલ એવોર્ડ અને એકવાર બેસ્ટ સપોર્ટિંગ એક્ટ્રેસનો નેશનલ એવોર્ડ જીતી ચૂકી છે. તેના વર્કફ્રંટની વાત કરીએ તો તે થલાઈવી, ધાકડ અને તેજસ જેવી ફિલ્મોમમાં જોવા મળશે. થલાઈવીનું ટ્રેલર રિલીઝ થઈ ચૂક્યું છે અને લોકો ફિલ્મમાં તેની પર્ફોમન્સની ખૂબ પ્રસંશા કરી રહ્યાં છે.