અટકળો / બોલિવૂડની 'ઝાંસી કી રાની' ઉતરશે ચૂંટણી મેદાનમાં!, ભાજપ આ સીટ ઑફર કરે તેવી ચર્ચાઓ

• જાણીતી અભિનેત્રી કંગના રનોત ચૂંટણી લડશે ?
• હિમાચલ પ્રદેશની મંડી લોકસભા બેઠક પર ઉમેદવાર ઘોષિત કરે તેવી શક્યતા
• ભાજપ કંગનાને ઉતારીને એક તીરથી ઘણા નિશાન લગાવવાની ફિરાકમાં

આ વિધાનસભા બેઠકો પર પેટા ચૂંટણી

ભાજપ આ બેઠક પર કંગનાને ઉતારીને એક તીરથી ઘણા નિશાન લગાવવાની ફિરાકમાં છે. મંડી લોકસભા બેઠક સિવાય હિમાચલ પ્રદેશની ત્રણ વિધાનસભા બેઠકો પર પણ 30 ઓક્ટોબરે પેટા ચૂંટણી થવાની છે. રાજ્યમાં ફતેપુર, જુબ્બલ કોથકાઈ અને અર્કી વિધાનસભા બેઠક સિટીંગ ધારાસભ્યોના નિધન બાદ ખાલી પડી છે. અર્કી બેઠક 6 વખત મુખ્યમંત્રી રહી ચૂકેલા વીરભદ્રસિંહની પરંપરાગત બેઠક રહી છે, 8 જુલાઈએ તેમનું નિધન થયા બાદ આ બેઠક ખાલી પડી છે. આ દરેક બેઠકો માટે ઉમેદવારો હજી ફાઈનલ થયા નથી. પરંતુ દાવેદારોની એક લાંબી યાદી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Kangana Ranaut (@kanganahot_ranaut)

કંગનાએ સ્પષ્ટતા કરી નથી

જોકે, કંગના રનોતે ચૂંટણી લડવા માટે હજી સ્પષ્ટતા કરી નથી. પરંતુ તે ચૂંટણી લડવાની ઈચ્છા દર્શાવે છે. પાર્ટીનું નેતૃત્વ પણ તેમને ચૂંટણી લડાવવા ઈચ્છે છે. કંગના રનોત બોલીવુડની જાણીતી અભિનેત્રી હોવાની સાથે મુંબઈમાં શિવસેના અને અન્ય વિરોધી પક્ષો સામે બેબાક બોલે છે. બીજી તરફ જો તેમને ટીકિટ આપવામાં આવે તો સ્થાનિક સ્તરે ટીકિટના દાવેદારોની લોબિંગથી પાર્ટીનું અસમંજસ સમાપ્ત થઇ શકે છે. આમ પણ પાર્ટીનું એક જૂથ કંગનાને ટીકિટ આપવાના પક્ષમાં છે.

આ લોકો પણ છે દાવેદાર

પૂર્વોત્તરના સાત રાજ્યો માટે ભાજપના સંગઠન સચિવ અજય જામવાલના નાના ભાઈ પંકજ જામવાલ પણ મંડી બેઠક માટે દાવેદારી નોંધાઈ ચૂક્યા છે. તો મુખ્યમંત્રી જયરામ ઠાકુરના સહયોગી નિહાલ ચંદ પણ અહીંથી ચૂંટણી લડવા ઈચ્છે છે. એટલું જ નહીં, કારગિલ યુદ્ધના હીરો બ્રિગેડીયર કુશલ ઠાકુર પણ લાંબા સમયથી ટિકિટ મેળવવા માટે લોબિંગ કરી રહ્યાં છે. આ નામો સિવાય અડધા ડઝનથી પણ વધુ નામો છે, જે પેટા ચૂંટણીમાં ટિકિટ માટે દાવેદારી કરી રહ્યાં છે. કંગના મંડી જિલ્લાના ભાંબલા ગામમાંથી આવે છે. હજી થોડા દિવસ પહેલાં તેમણે મનાલીમાં પોતાનુ નવુ ઘર બનાવ્યું છે. એટલું જ નહીં, મંડી સંસદીય મત વિસ્તારનો ભાગ છે.