IPLIN
 

બોલિવૂડ / ચુસ્ત સુરક્ષા બંદોબસ્ત વચ્ચે કંગના બહેન રંગોલી સાથે મુંબઈથી મનાલી જવા રવાના થઈ

Team VTV 11:22 AM, 14 Sep 20
Follow us
kangana ranaut leaves mumbai heading to manali bmc office demolition

બોલિવૂડ એક્ટ્રેસ કંગના રનૌત મુંબઈથી મનાલી જઈ રહી છે. બહેન રંગોલી પણ કંગનાની સાથે છે. મુંબઈ એરપોર્ટ પર કંગના માટે ચુસ્ત સુરક્ષા બંદોબસ્ત ગોઠવી દેવામાં આવ્યો હતો. કંગના થોડીવારમાં મનાલીની ફ્લાઈટ પકડશે. એરપોર્ટ પર 45-50 સીઆઈએસએફના જવાનો કંગનાની સુરક્ષા માટે તહેનાત જોવા મળ્યા હતા.

કંગના રનૌત મનાલી માટે રવાના થઈ

કંગના Y સિક્યુરિટી અને મુંબઈ પોલીસની સુરક્ષા વચ્ચે મુંબઇથી મનાલી જવા રવાના થઈ ગઈ. આ દરમિયાન ઘરેથી મુંબઈ એરપોર્ટ જતા રસ્તા પર કોઈ પ્રદર્શનકારીઓ અને સમર્થકો દેખાયા ન હતા. તમને જણાવી દઈએ કે, કંગનાએ BMCને જણાવ્યું હતું કે થોડાં સમય માટે મુંબઈ આવી છે. જેથી બીએમસીએ તેને હોમ ક્વોરન્ટાઈનમાં છૂટ આપી હતી. કંગના 9 સપ્ટેમ્બરે મુંબઈ પહોંચી હતી. 

ઉલ્લેખનીય છે કે, શિવસેના સાથેના વિવાદ વચ્ચે કંગના મુંબઈ પહોંચી હતી. કંગનાએ શિવસેના અને મુંબઈ પોલીસ પર વિવાદાસ્પદ ટિપ્પણી કરી હતી, જેનાથી પાર્ટી ઉશ્કેરાઈ ગઈ હતી. જેના જવાબમાં શિવસેનાએ કંગનાની મુંબઈ ઓફિસને ગેરકાયદેસર બાંધકામનો હવાલો આપીને બુલડોઝર ચલાવ્યું હતું. કંગના મુંબઇ પહોંચવા જઇ રહી હતી તે જ દિવસે આ કાર્યવાહી કરવામાં આવી હતી.

ત્યારબાદ બોમ્બે હાઈકોર્ટે કંગનાની ઓફિસમાં તોડફોડ કરવા પર પ્રતિબંધ મૂક્યો હતો. બીએમસી દ્વારા કંગનાની ઓફિસ પર કરવામાં આવેલી આ કાર્યવાહી અંગે હવે આગામી સુનાવણી 22 સપ્ટેમ્બરે કોર્ટમાં થશે. કંગના રવિવારે મહારાષ્ટ્રના રાજ્યપાલ ભગતસિંહ કોશિયારીને મળી હતી. આ દરમિયાન કંગનાએ તેની ઓફિસમાં કરવામાં આવેલી કાર્યવાહી સામે ન્યાયની વિનંતી કરી.

Kangana Ranaut leaves mumbai Manali
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ