નોટિસ / ખેડૂત આંદોલન પર ટ્વિટ કરીને મુશ્કેલીમાં ફસાઈ કંગના રનૌત, મોકલવામાં આવી કાયદાકીય નોટિસ

• ખેડૂત આંદોલનને લઈને ફરી એક વાર ચર્ચામાં આવી કંગના
• ખેડૂત આંદોલન પર ટ્વિટ કરીને મુશ્કેલીમાં ફસાઈ કંગના
• કંગનાને મોકલવામાં આવી કાયદાકીય નોટિસ

 
ગુરુદ્વારા પ્રબંધક કમિટીના સભ્ય જસ્મૈન સિંહ નોનીની તરફથી તેમના વકીલ હરપ્રીત સિંહ હોરાએ કંગનાને નોટિસ મોકલી છે. આ નોટિસ અનુસાર મુંબઈમાં રનૌતના મકાનના એક ભાગને પાડી દેવા માટે તેઓએ પોતાના ફેન્સને એકઠા કરવા સોશ્યિલ મીડિયાનો ઉપયોગ કર્યો હતો. કંગનાએ બીએમસીની કાર્યવાહીનો વિરોધ કરીને તેના મૌલિક અધિકારો પર હુમલો ગણાવ્યો હતો. 

Delhi Sikh Gurdwara Management Committee member sends legal notice to Bollywood actor Kangana Ranaut over her tweet allegedly targeting farmers protesting against new farm laws

— Press Trust of India (@PTI_News) December 3, 2020

શાહીન બાગની દાદીને લઈને કરી હતી ટ્વિટ

નોટિસમાં કહેવાયું છે કે ખેડૂતોને પણ શાંતિપૂર્ણ પ્રદર્શનનો અધિકાર છે. જે સંવિધાનના આધારે છે અને કંગના રનૌત ખેડૂતોનું અપમાન કરી શકે નહીં. નોટિસના આધારે એક ટ્વિટ શેર કરીને તેણે કહ્યું હતું કે શાહીન બાગની દાદી પણ કૃષિ અધિકારોને લઈને ખેડૂતોના આંદોલનમાં જોડાઈ છે. ટાઈમ મેગેઝિનમાં જગ્યા બનાવી ચૂકેલી આ દાદી 100 રૂપિયામાં મળે છે. 
 

I had only commented on Shaheen Baag dadi cos they instigated riots there even that tweet was deleted almost immediately, I don’t know from where they brought another elderly lady in to the picture and now endlessly spreading lies.Vultures trying to instigate mob against a woman. https://t.co/EI9xlXwaEu

— Kangana Ranaut (@KanganaTeam) December 3, 2020

બંને મહિલાઓ અલગ અલગ હોવાનો દાવો

કંગનાને મોકલાયેલી કાયદાકીય નોટિસમાં કહેવાયું છે કે અનેક ન્યૂઝમાં દાવો કરાયો છે કે આંદોલનમાં સામેલ થનારી મહિલા અને શાહીન બાગની દાદી અલગ અલગ છે. આ બંને એક પણ હોય તો કંગનાને પોતાની રાજનીતિ ચમકાવવા માટે કોઈ વૃદ્ધ મહિલાનું અપમાન કરવાનો અધિકાર નથી. કંગનાના ટ્વિટને નોટિસમાં નફરત ફેલાવનારું ગણાવાયું છે અને કહ્યું કે તેની વિરુદ્ધમાં જલ્દી જ કડક પગલાં લેવાય તેની જરૂર છે.