બોલિવૂડ એક્ટ્રેસ કંગના રનૌત કોઈને કોઈ કારણથી હમેશાં ચર્ચામાં રહે છે. ત્યારે અત્યારે કંગના તેના ભાઈના લગ્નમાં વ્યસ્ત છે. તેના બે ભાઈઓના લગ્ન છે અને તેમના લગ્નના વિવિધ ફંક્શન પણ શરૂ થઈ ગયા છે. આજે તેના ભાઈ અક્ષતની મેંહદીની સેરેમની છે. કંગનાએ ફંક્શનમાં ખૂબ ડાન્સ પણ કર્યો, જેનો વીડિયો ખૂબ વાયરલ થઈ રહ્યો છે.
કંગનાના ભાઈના લગ્નના ફંક્શન થયા શરૂ
કંગનાએ મહેંદી સેરેમનીમાં કર્યો જોરદાર ડાન્સ
વીડિયો સોશિયલ મીડિય પર થઈ રહ્યો છે વાયરલ
કંગનાએ તેના ઈન્સ્ટાગ્રામ એકાઉન્ટ પર ભાઈ અક્ષતની મેંહદી સેરેમનીના ફોટોઝ અને વીડિયો શેર કર્યા છે. આ પોસ્ટમાં કંગના ગોલ્ડન સિલ્ક ડ્રેસ પહેરેલી જોવા મળી રહી છે અને ખૂબ જ સુદર લાગી રહી હતી. તેણે ગળામાં ગોલ્ડ નેકલેસ પહેર્યું છે. આ લુકમાં કંગનાએ કાનમાં કંઈ જ પહેર્યું નથી, પરંતુ તેનો લુક ઘણો જ ક્લાસી લાગી રહ્યો છે.
કંગનાના એકાઉન્ટર પણ ભાઈની મેંહદી સેરેમનીની તસવીરો શેર કરી છે. કંગનાએ જે તસવીરો શેર કરી છે. તેમાં તેનો ભાઈ અને ભાભી ખૂબ જ સુંદર લાગી રહ્યા છે. બંનેએ પીળા અને ગુલાબી રંગનું કોમ્બિનેશનવાળું ડ્રેસ પહેર્યું છે. જ્યારે કંગનાની બહેન રંગોલીએ પણ આ બંનેના ખૂબ જ સુંદર ફોટા શેર કર્યા છે. આ તસવીરોમાં કંગના અને રંગોલી પોતાના ભાઈના હાથમાં મહેંદી લગાવતી જોવા મળી રહી છે.
આ સાથે જ કંગનાએ તેના ઇન્સ્ટાગ્રામ એકાઉન્ટ પર તેના ભાઈની મેંહદી સેરેમનીમાં રંગોલી સાથે તેનો જોરદાર ડાન્સનો વીડિયો પણ શેર કર્યો છે. આ વીડિયોમાં આ બંને બહેનો આનંદથી ડાન્સ કરતી જોવા મળી રહી છે.