બોલિવૂડ એક્ટ્રેસ કંગના રનૌત સોમવારે પાલી હિલ સ્થિત તેની ઓફિસે રિનોવેશનના કામને જોવા પહોંચી હતી. આ દરમિયાન તેણે માસ્ક નહોતો પહેર્યો.
કંગના રનૌત ફરી વિવાદમાં ફસાઈ
પોતાની ઓફિસે માસ્ક પહેર્યા વિના પહોંચી કંગના
યુઝર્સ કંગનાને કરી રહ્યાં છે ટ્રોલ
બોલિવૂડ એક્ટ્રેસ કંગના રાનૌત સોમવારે મુંબઈમાં સ્પોટ થઈ હતી. હકીકતમાં તે તેની પાલી હિલ સ્થિત ઓફિસનું કામ જોવા પહોંચી હતી. તેની ઓફિસનું રિનોવેશનનું કામ ચાલી રહ્યું છે. તમને જણાવી દઈએ કે બીએમસીએ કંગના રાનૌતની ઓફિસને ગેરકાયદેસર ગણાવી તોડફોડ કરી હતી. જ્યારે અભિનેત્રી તેની ઓફિસ પહોંચી ત્યારે તેણે માસ્ક પહેર્યો ન હતો. જેના કારણે સોશિયલ મીડિયા યુઝર્સે તેને જોરદાર ટ્રોલ કરી હતી.
કંગના રાનૌત સોમવારે પાલી હિલ સ્થિત તેની ઓફિસ પહોંચી હતી અને રિનોવેશનના કામ વિશે પૂછપરછ કરી હતી. ઓફિસમાં ચાલી રહેલાં કામનું નિરીક્ષણ કરતાં કંગનાનો એક વીડિયો સોશિયલ મીડિયા પર સામે આવ્યો છે. આ દરમિયાન તેણે માસ્ક પહેર્યો ન હતો અને ત્યારબાદ સોશિયલ મીડિયા યુઝર્સે તેને નિશાન બનાવવાનું શરૂ કર્યું હતું.
કંગના રાનૌતે માસ્ક ન પહેરવા પર એક યુઝરે લખ્યું કે, 'તેની ધરપકડ કરો, તે માસ્ક વિના ફરતી હોય છે.' બીજા એક યુઝરે લખ્યું, 'આ મહિલા ક્યારેય માસ્ક કેમ નથી પહેરતી. માસ્ક નહીં પણ સનગ્લાસ પહેરવાનું યાદ છે. બીજા યુઝરે લખ્યું, 'આ માસ્ક વિના કેમ ફરતી હોય છે.' આ રીતે, ઘણા યુઝર્સે કંગનાને ખરાબ રીતે ટ્રોલ કરી હતી.
વર્કફ્રંટની વાત કરીએ તો, કંગના 'થલાઈવી'માં જોવા મળશે. આ ફિલ્મ એક્ટ્રેસમાંથી નેતા બનેલાં જયલલિતાના જીવન પર આધારિત છે. આ ઉપરાંત કંગના પાસે 'તેજસ' અને 'મણિકર્ણિકા રિટર્ન્સ: ધ લેજેન્ડ ઓફ દીદ્દા' પણ છે. 'ધાકડ' ફિલ્મની વાત કરીએ તો તેમાં કંગના ઉપરાંત અર્જુન રામપાલ અને દિવ્યા દત્તા પણ મહત્વના રોલમાં છે. તમને જણાવી દઈએ કે કંગનાએ અનેક હિટ ફિલ્મો આપી છે અને તે 3 વખત બેસ્ટ એક્ટ્રેસનો નેશનલ એવોર્ડ અને એકવાર બેસ્ટ સપોર્ટિંગ એક્ટ્રેસનો નેશનલ એવોર્ડ જીતી ચૂકી છે.