બિગબોસની એક્સ કન્ટેસ્ટન્ટ હિમાંશી ખુરાનાને કંગના રનૌતે ટ્વિટર પર બ્લોક કરી દીધી છે. કંગનાએ ખેડૂત આંદોલનને લઇને એક ટ્વિટ કર્યુ હતું જેની હિમાંશીએ નિંદા કરી હતી. જે બાદ કંગનાએ હિમાંશીને બ્લોક કરી દીધી હતી. હવે હિમાંશીએ તે સ્ક્રિનશૉટ લઇને પોતાના ઇન્સ્ટાગ્રામ અકાઉન્ટ પર શૅર કર્યો છે.
કંગનાએ હિમાંશીને કરી બ્લોક
ખેડૂત આંદોલન પર કંગનાએ કર્યુ હતુ ટ્વિટ
હિમાંશીએ કહ્યું બીજાનું ઘર બચાવે તો તકલીફ
હિમાંશીએ સ્ક્રિન શૉટ શૅર કરીને લખ્યું કે @kanganateam blocked you. હિમાંશીએ આ સ્ક્રિનશૉટ સાથે લખ્યું કે, તે કરે છે બ્લોક.
કંગનાએ લખ્યું કે, આશા છે કે સરકાર રાષ્ટ્ર વિરોધી તત્વોનો ફાયદો નહી ઉઠાવા દે અને લોહીના તરસ્યા ગિદ્ધો અને ટુકડે ટુકડે ગેંગ માટે અક વધુ શાહીન બાગનું નિર્માણ નહી થવા દે. હિમાંશીએ કંગનાનો એક વીડિયો શૅર કર્યો હતો જેમાં તેણે મુંબઇનું પોતાનુ ઘર ટૂટ્યુ તેને લઇને વાત કરી હતી.
હિમાંશીએ કંગનાની ટ્વિટ શૅર કરતા લખ્યું કે, પોતાનું ઘર બચાવવા માટે થેંકફૂલ છે મિસ પરંતુ બીજા પોતાનું ઘર બચાવે તો ખોટુ. બધા પાસે વીઆઇપી લિંક નથી હોતી પરંતુ કદાચ તમે બીજાની લડાઇ હેન્ડલ કરી શકતા નથી.