નિવેદન / કંગના રનૌતે હવે મહારાષ્ટ્રના મંત્રી આદિત્ય ઠાકરેને લઈને કર્યુ ચોંકાવનારું ટ્વિટ, મચ્યો ખળભળાટ

• કંગના રનૌત હવે લડી લેવાના મૂડમાં
• આદિત્ય ઠાકરે પર નિશાન સાધ્યું

ઉલ્લેખનીય છે કે, કંગના રનૌતે પોતાના ટ્વીટર હેન્ડલ પર લખ્યું હતું કે, મહારાષ્ટ્રના મુખ્યમંત્રીની મૂળ સમસ્યા છે કે, મેં કેમ મૂવી માફિયા, સુશાંતના હત્યારાઓ અને ડ્રગ રેકેટનો ભાંડો ફોડ્યો. આ લોકોની સાથે મુખ્યમંત્રીનો દીકરો આદિત્ય ઠાકરે ફરતો રહે છે. 

મારો ઈલાજ કરવા માગે છે

કંગના રનૌતે તેના ટ્વિટમાં આગળ લખ્યું છે - 'આ મારો સૌથી મોટો ગુનો છે અને હવે તે મારો ઈલાજ કરવા માગે છે. ઓકે તમે પ્રયત્ન કરતા રહો ચાલો જોઈએ કે કોણ કોને સુધારે છે. 'આ અગાઉ કંગનાએ ટ્વીટ કરીને લખ્યું હતું કે કેવી રીતે તેને આતંક આપવામાં આવી રહ્યો છે.

મારું ઘર પણ તોડવાનો કરાયો પ્રયાસ 

કંગના રનૌત મુંબઇથી મનાલી સ્થિત તેના ઘરે પરત ફરી છે. કંગનાએ સોશિયલ મીડિયા પર લખ્યું - હું ભારે દિલથી મુંબઈ છોડું છું. ભૂતકાળમાં જે હુમલાઓ મારા પર થયાં હતાં, મારી ઓફિસ તૂટી ગયું હતું, મારું ઘર પણ તોડવાની કોશિશ કરવામાં આવી હતી.

ગુંડા તંત્રએ મને ધમકાવવાનો પ્રયાસ કર્યો

કંગનાએ તેના ટ્વિટમાં વધુમાં લખ્યું છે કે - 'ગુંડા તંત્રએ મને ધમકાવવાનો પ્રયાસ કર્યો, ત્યારબાદ હું આપણા પાકિસ્તાન અધિકૃત કાશ્મીર વિશેના મારા નિવેદન બાદ હું અસુરક્ષિત અનુભવ કરી રહી છું. તમને જણાવી દઇએ કે કંગના 9 સપ્ટેમ્બરના રોજ મુંબઇ આવી હતી.

કંગના રનૌત મનાલી માટે રવાના થઈ

કંગના Y સિક્યુરિટી અને મુંબઈ પોલીસની સુરક્ષા વચ્ચે મુંબઇથી મનાલી જવા રવાના થઈ ગઈ. આ દરમિયાન ઘરેથી મુંબઈ એરપોર્ટ જતા રસ્તા પર કોઈ પ્રદર્શનકારીઓ અને સમર્થકો દેખાયા ન હતા. તમને જણાવી દઈએ કે, કંગનાએ BMCને જણાવ્યું હતું કે થોડાં સમય માટે મુંબઈ આવી છે. જેથી બીએમસીએ તેને હોમ ક્વોરન્ટાઈનમાં છૂટ આપી હતી. કંગના 9 સપ્ટેમ્બરે મુંબઈ પહોંચી હતી. 

મહારાષ્ટ્રના રાજ્યપાલ ભગતસિંહ કોશિયારીને મળી કંગના

બોમ્બે હાઈકોર્ટે કંગનાની ઓફિસમાં તોડફોડ કરવા પર પ્રતિબંધ મૂક્યો હતો. બીએમસી દ્વારા કંગનાની ઓફિસ પર કરવામાં આવેલી આ કાર્યવાહી અંગે હવે આગામી સુનાવણી 22 સપ્ટેમ્બરે કોર્ટમાં થશે. કંગના રવિવારે મહારાષ્ટ્રના રાજ્યપાલ ભગતસિંહ કોશિયારીને મળી હતી. આ દરમિયાન કંગનાએ તેની ઓફિસમાં કરવામાં આવેલી કાર્યવાહી સામે ન્યાયની વિનંતી કરી.