બોલિવૂડ એક્ટ્રેસ કંગના રનૌત છેલ્લા કેટલાય સમયથી અલગ-અલગ પ્રકારના રોલ નિભાવી રહી છે અને તેની જબરદસ્ત છાપ છોડી રહી છે. હાલમાં જ જયલલિતાની બાયોપિક 'થલાઈવી'નું ટ્રેલર લોન્ચ થયું હતું, ત્યારે હવે તેની અન્ય અપકમિંગ ફિલ્મ 'પંગા'નો ફર્સ્ટ લુક સામે આવ્યો છે.
કંગનાની ફિલ્મ 'પંગા'નો ફર્સ્ટ લુક રિલીઝ
ઈન્ડિયન લુકમાં દેખાઈ કંગના
સોશિયલ મીડિયા પર શેર કરી તસવીર
કંગનાની બહેન રંગોલી ચંદેલે ટ્વિટ કરીને 'પંગા'નો ફર્સ્ટ લુક શેર કર્યો છે. આ તસવીરમાં કંગના ઈન્ડિયન લુકમાં બાલ્કનીમાં ઊભી છે અને હસી રહી છે. તસવીર શેર કરતાં રંગોલીએ લખ્યું, 'કંગના કહે છે કે એક એક્ટ્રેસ તરીકે સૌથી મોટું અપમાન એ છે કે તેને માના રોલ માટે એપ્રોચ કરવામાં આવે. તેનાથી તે ડિસ્ટર્બ થઈ જતી હતી. જોકે, મણિકર્ણિકામાં માનો રોલ પ્લે કર્યા પછી તે એકવાર ફરી માના રોલ માટે તૈયાર છે. આજે મેનસ્ટ્રીમની યંગ ટોપ એક્ટ્રેસિસ તેના કરિયરના ટોપમાં પણ માના રોલને ગર્વથી નિભાવે છે અને લોકો તેને પસંદ કરે છે આ નવો ઈન્ડિયા છે.'
Kangana says when she was new biggest insult to an actress was to be approached for Maa ka role, it deeply disturbed her, after playing a mother in successful Manikarnika she is all set to be a mother again....(contd) pic.twitter.com/Q967Fijdp0
રંગોલીના ટ્વિટથી ફિલ્મ 'પંગા'માં કંગનાના રોલનો અંદાજો આવી શકે છે. થોડાં સમય પહેલાં ફિલ્મની ડિરેક્ટર અશ્વિની અય્યર તિવારીએ ફિલ્મની રિલીઝ ડેટ એનાઉન્સ કરી હતી. તેમણે જણાવ્યું હતું કે, 'પંગા' 24 જાન્યુઆરી 2020એ રિલીઝ થશે.
આ ફિલ્મ સાથે થશે ક્લેશ
આ ફિલ્મમાં કંગના સહિત ઋચા ચડ્ડા, નીના ગુપ્તા, જસ્સી ગિલ અને પંકજ ત્રિપાઠી પણ છે. ફિલ્મનો ક્લેશ વરૂણ ધવન, શ્રદ્ધા કપૂર અને નોરા ફતેહી સ્ટારર 'સ્ટ્રીટ ડાન્સર 3ડી' સાથે થશે. આ બંને ફિલ્મોની રિલીઝ ડેટ એક જ છે.
કંગનાના વર્કફ્રંટની વાત કરીએ તો 'પંગા' સિવાય 'થલાઈવી' પણ જલ્દી રિલીઝ થવાની છે. આ ફિલ્મમાં કંગનાએ તમિલનાડુની પૂર્ણ મુખ્યમંત્રી જયલલિતાનો રોલ પ્લે કર્યો છે. આ ફિલ્મ 26 જૂન 2020એ રિલીઝ થશે.