ભારતીય ટીમ કાલથી ન્યૂઝીલેન્ડ વિરુદ્ધ 3 મૅચની ટી-20 સિરીઝ રમશે. ટી 20 વર્લ્ડ કપમાં મળેલી હાર બાદ ટીમ ઇન્ડિયા ન્યૂઝીલેન્ડ સામે જીતવાનો સંપૂર્ણ પ્રયાસ કરશે.
ન્યૂઝીલેન્ડની ટીમમાંથી બહાર થયો આ ખેલાડી
રોહીત શર્મા ભારતીય ટીમનો કપ્તાન
ફાઇનલમાં હારી ગઇ હતી ન્યૂઝીલેન્ડની ટીમ
ટીમમાંથી બહાર થયો NZનો ખતરનાક બેટર
તમને જણાવી દઇએ કે, ભારત વિરુદ્ધ 17 નવેમ્બરથી શરૂ થનારી ટી20 મૅચ સિરીઝમાંથી ન્યૂઝીલેન્ડના કપ્તાન કેન વિલિયમસન બહાર થઇ ગયો છે. વિલિયમસને આ નિર્ણય એટલા માટે કર્યો કે 25 નવેમ્બરથી શરૂ થનારી ટેસ્ટ સિરીઝ માટે તે એકદમ ફીટ અને ફ્રેશ રહી શકે. તેની જગ્યાએ ફાસ્ટ બોલર ટીમ સાઉદી ટીમની કમાન સંભાળશે.
ટી 20 વર્લ્ડકપના ફાઇનલમાં હારી ન્યૂઝીલેન્ડની ટીમ
કોહલીની કપ્તાનીવાળી ભારતીય ટીમ સુપર 12 લીગમાં જ ટુર્નામેન્ટમાંથી બહાર થઇ ગઇ હતી. જ્યારે કેનની કપ્તાનીવાળી ટીમ ફાઇનલમાંથી પાછી આવી છે. ફાઇનલમાં ઓસ્ટ્રેલિયાએ ન્યૂઝીલેન્ડને 8 વિકેટથી હરાવી દીધું હતુ અને કિવિ ટીમનું સપનું તોડી દીધું હતું.
ટી-20 વર્લ્ડ કપમાં ઓસ્ટ્રેલિયા ચેમ્પિયન
ઓસ્ટ્રેલિયન ટીમમાં વોર્નર અને માર્શની અર્ધસદીના કારણે ટી-20 વર્લ્ડ કપમાં ઓસ્ટ્રેલિયા ચેમ્પિયન બની. ઓસ્ટ્રેલિયા ટીમે જીતતા જ ટીમના બધા ખેલાડીઓ જીતની ઉજવણી કરવા લાગ્યા હતા. દરેક ખેલાડીઓએ માર્શ તરફ દોટ મુકી અને તેને ભેટી પડ્યા. એટલું જ નહીં, ટીમ જીત્યા બાદ કેટલાંક ખેલાડીઓ લાગણીશીલ થયા. ખાસ કરીને ગ્લેન મેક્સવેલ જીત્યા બાદ લાગણીશીલ થયા અને કેપ્ટન ફિંચને ગળે લગાવી રોઈ પડ્યા હતા. આઈસીસીએ ઉજવણીનો આ વીડિયો શેર કર્યો છે.
ડેવિડ વોર્નરે અર્ધસદી બનાવી
મિશેલ માર્શે નોટઆઉટ રહીને 50 બોલમાં 77 રન અને ડેવિડ વોર્નરે અર્ધસદી બનાવી હતી. વન-ડે ક્રિકેટમાં પાંચ વખત રહેલી વિશ્વ ચેમ્પિયન ઓસ્ટ્રેલિયાએ રવિવારે ન્યુઝીલેન્ડને 8 વિકેટથી હરાવી પ્રથમ વખત ટી-20 વિશ્વ કપ જીત્યો. બેટીંગ ક્રમ માટે પ્રથમ ઉતરેલી ન્યુઝીલેન્ડ ટીમે કેપ્ટન કેન વિલિયમસને 48 બોલમાં 85 રનની ધારદાર ઈનિંગ રમી. જવાબમાં આક્રમક અંદાજ માટે જાણીતા વોર્નરે 38 બોલમાં 53 રનની ધુંઆધાર ઈનિંગ રમી હતી. જ્યારે માર્શે 7 બોલ બાકી રહેતા અંદાજે બે વિકેટ ગુમાવી ટીમને જીત અપાવી હતી.