હિંદુ સમાજ પાર્ટીના રાષ્ટ્રીય અધ્યક્ષ કમલેશ તિવારી હત્યાકાંડમાં સામેલ બે મુખ્ય આરોપી શેખ અશફાક હુસૈન અને પઠાણ મોઇનુદ્દીન અહેમદ ઉર્ફે ફરીદ હજુ પણ પોલીસની પકડમાં નથી આવ્યો. પોલીસને આશંકા છે કે આ બંને આરોપીઓ સરહદ પાર કરીને પાકિસ્તાન ભાગી જવાની ફિરાકમાં છે.
મુખ્ય આરોપી પાકિસ્તાન ભાગી જવાની ફિરાકમાં
બન્ને આરોપી હજુ પોલીસ પકડની બહાર છે.
મુખ્ય આરોપીનાં લાસ્ટ લોકેશન અમ્બાલામાં મળ્યાં
મુખ્ય આરોપીઓનાં લોકેશન અહીં મળ્યાં
કમલેશ તિવારી હત્યાકાંડમાં સામેલ બે મુખ્ય આરોપી શેખ અશફાક હુસૈન અને પઠાણ મોઇનુદ્દીન અહેમદ ઉર્ફે ફરીદ બન્ને આરોપીનું લાસ્ટ લોકેશન અમ્બાલા પાસે મળ્યું છે. જે વાઘા બોર્ડરથી માત્ર ર૮પ કિ.મી. દૂર છે. યુપીનાં ડીજીપી ઓ. પી. સિંહે જણાવ્યું છે કે હત્યાનાં બંને આરોપી માટે અઢી, અઢી લાખનાં ઇનામ જાહેર કરવામાં આવ્યાં છે.
મીઠાઈની ખરીદી આરોપીઓને પડી ભારે
આ કેસમાં કમલેશ તિવારીની હત્યા માટે સુરતની એટીએસ ટીમ દ્વારા શુક્રવારે રાત્રે પકડેલાં ત્રણ આરોપી મોહસીન શેખ, ફૈઝાન અને રાશીદ પઠાણને આજે બપોરે ટ્રાન્ઝિસ્ટ રિમાન્ડ પર લખનૌ લાવવામાં આવશે. આ ત્રણેય આરોપીઓની પૂછપરછ કરીને તેમને કોર્ટમાં રજૂ કરાશે. ત્રણેયને દુકાનનાં સીસીટીવી ફૂટેજનાં આધારે દબોચવામાં આવ્યાં હતા. જ્યાંથી તેમણે મીઠાઈ ખરીદી હતી આ જ મીઠાઈ હુમલાનાં સ્થળેથી મળી હતી.
અધિકારીઓએ જણાવ્યું હતું કે ત્રણેયની અમદાવાદ લાવીને ધરપકડ કરવામાં આવી હતી. અમદાવાદની કોર્ટે ત્રણેય આરોપીઓને ૭ર કલાકનાં ટ્રાન્ઝિસ્ટ રિમાન્ડ આપ્યાં હતાં. કમલેશ તિવારી હત્યાકાંડમાં એક નવો ખુલાસો એ થયો છે કે આરોપી અશફાકે ફેસબુક પર રોહિત સોલંકીનાં નામનું નકલી આઇડી બનાવીને કમલેશ તિવારીનો સંપર્ક સાધ્યો હતો. કમલેશ તિવારી તેનાં ફેસબુક ફ્રેન્ડ બની ગયા હતા.
હોટેલનાં રૂમમાંથીહત્યામાં વપરાયેલ ચાકું મળ્યું
કમલેશ તિવારીની હત્યામાં ઉપયોગમાં લેવાયેલ ચાકુ પણ મળી આવ્યું છે. આ ચાકુ હોટલ ખાલસાના રૂમ નં.૧૦૩માંથી મળી આવ્યું હતું. આ હોટલમાં બંને આરોપી અશફાક અને મોઇનુદ્દીન રોકાયાં હતાં.
અક વર્ષ પહેલાં પણ હત્યાનો પ્રયાસ કરાયો હતો
યુપીનાં ડીજીપી ઓ.પી.સિંહે જણાવ્યું હતું કે, ૪૮ કલાકની અંદર આરોપીઓની ધરપકડ કરી લેવામાં આવશે, પરંતુ આ સમયમર્યાદા સમાપ્ત થઇ ગઇ છે. છતાં હજુ આરોપીઓ પકડાયાં નથી. લાંબા સમયથી કટ્ટરવાદીઓનાં નિશાના પર રહેલાં કમલેશ તિવારી પર અગાઉ પણ કેટલીય વાર હુમલાની કોશિશ થઈ હતી. સોશિયલ મીડિયા પર વાઇરલ થયેલાં વીડિયોમાં સ્વયં કમલેશ તિવારી એવું કહી રહ્યાં છે કે એક વર્ષ પહેલાં ભોપાલ નજીક તેમની ગાડીનો પીછો કરીને તેમને મારવાની કોશિશ કરવામાં આવી હતી. જેની જાણ તેમણે મધ્યપ્રદેશ પોલીસને કરી હતી.