કર્ણાટક / લોકોને આશા હતી કે ઑલમ્પિકમાં ભારતનું નામ રોશન કરશે તેણે આપ્યો ઝટકો, ટ્રાયલ માટે કર્યો ઈન્કાર

• કમ્બાલામાં શાનદાર પ્રદર્શન કરનાર દોડવીર શ્રીનિવાસ ગૌડાએ SAIમાં ટ્રાયલ આપવાનો ઇનકાર કર્યો
• કર્ણાટકમાં ગૌડાએ કોમ્પિટિશન દરમિયાન માત્ર 9.55 સેકન્ડમાં 100 મીટરનું અંતર પૂર્ણ કર્યું
• યૂસેન બોલ્ટનો 100 મીટર દોડનો 9.58 સેકન્ડમાં પૂર્ણ કરવાનો વર્લ્ડ રેકોર્ડ છે

યૂસેન બોલ્ટનો 100 મીટર દોડનો 9.58 સેકન્ડમાં પૂર્ણ કરવાનો વર્લ્ડ રેકોર્ડ છે. સોશિયલ મીડિયામાં તેના વાયરલ થયા બાદ રમત મંત્રી કિરણ રિજિજૂએ એસએઆઇના ટોચના કોચની દેખરેખમાં ટ્રાયલ કરાવવાનો નિર્દેશ આપ્યો હતો. સાઇના મુજબ ગૌડાએ ટ્રાયલ આપવાથી ઇનકાર કરી દીધો. આ મામલા સાથે જોડાયેલા એક સૂત્રે પીટીઆઇને જણાવ્યું, તે (ગૌડા) આજે મુખ્યમંત્રી સાથે મુલાકાત માટે બેંગલુરુ પહોંચ્યા છે. 

હાલ ટ્રાયલ નથી આપવા 

તેઓએ કહ્યું કે અમને જાણવા મળ્યું છે કે તેઓ તેના માટે હાલ ઇચ્છા નથી ધરાવતા. અમને એમ પણ જાણવા મળ્યું છે કે તેઓ ઇજાગ્રસ્ત છે. કોંગ્રેસ નેતા શશિ થરૂર અને વ્યવસાયી આનંદ મહિંદ્રાએ પણ ટ્વિટ કરી ખેલ મંત્રાલય અને ભારતીય એથલેટિક્સ મહાસંઘને ગૌડાની મદદ કરવાની માંગ કરી. ગૌડાને ટ્રાયલ માટે માટે બોલાવવાની સલાહ આપવાના બે દિવસ બાદ રિજિજૂએ કહ્યું કે પરંપરાગત રમતની તુલનામાં ઓલિમ્પિક રમત સાથે કરવી ખોટુ છે. 

ಕಂಬಳದ ಕೆರೆಯಲ್ಲಿ ದಾಖಲೆಯ ವೇಗದಲ್ಲಿ ಓಡಿದ ಶ್ರೀನಿವಾಸ್ ಗೌಡರನ್ನು ಸನ್ಮಾನಿಸಿ ಮೂರೂ ಲಕ್ಷ ರು.ಗಳ ಬಹುಮಾನ ನೀಡಲಾಯಿತು. ಕಂಬಳದಂಥ ಕರಾವಳಿಯ ಗ್ರಾಮೀಣ ಕ್ರೀಡೆ ಇಂಥ ಅವೆಷ್ಟೋ ಪ್ರತಿಭೆಗಳನ್ನು ಬೆಳೆಸಬಲ್ಲದು. ಇಂಥ ಕ್ರೀಡೆ ಮತ್ತು ಕ್ರೀಡಾಪಟುಗಳ ಪ್ರೋತ್ಸಾಹಕ್ಕೆ ಸರ್ವ ಸಹಕಾರ ನೀಡಲು ನಮ್ಮ ಸರ್ಕಾರ ಬದ್ಧವಾಗಿದೆ. pic.twitter.com/OucSK1asoR

— B.S. Yediyurappa (@BSYBJP) February 17, 2020

રમત મંત્રીએ આમ કહ્યું

તેઓએ કહ્યું કે ખેલો ઇન્ડિયા યુનિવર્સિટી ખેલોના સત્તાવાર ગાનના લોન્ચના અવસર પર પોતાના નિવાસ સ્થાને કહ્યું, લોકો સોશિયલ મીડિયા પર જે પણ લખી રહ્યા છે તેના પર મીડિયાનું નિયંત્રણ ન હોઇ શકે છે. જો આપણી સામે કોઇ પ્રતિભા આવે છે તો અમે તેમને મંચ અને તક આપીશું. તેઓએ કહ્યું, ઓલિમ્પિક અને વર્લ્ડ ચેમ્પિયનશિપનું સ્તર ઘણું ઊંચુ છે. જે લોકો પરંપરાગત રમત રમે છે તેમની તુલના તમે આંતરરાષ્ટ્રીય ખેલાડીઓ સાથે ત્યાં સુધી ન કરી શકો, જ્યાં સુધી અમે સત્તાવાર રીતે તેમના પ્રદર્શનનું આકલન ન કરી લઇએ. 

નોંધનીય છે કે કર્ણાટકના મુખ્યમંત્રી બીએસ યેદિયુરપ્પાએ કમ્પાલા રેસમાં રેકોર્ડ સ્પીડ માટે ગૌડાની મુલાકાત લીધી અને 3 લાખ રૂપિયાનો ચેક આપી સન્માનિત કરાયા. ગૌડા અત્યાર સુધીમાં રેસમાં 32 મેડલ જીતી ચૂક્યો છે.