ગુરુવારે પહેલી વાર અમેરિકન ઉપરાષ્ટ્રપતિ કમલા હૈરિસે ભારતના પીએમ નરેન્દ્ર મોદી સાથે ફોન પર વાત કરી.
હૈરિસે ભારતને કોરોનાની લડાઈમાં મદદનો ભરોસો આપ્યો
પીએમ કમલા હૈરિસને ભારત આવવાનું નિમંત્રણ આપ્યું
ક્વાર્ડની વચ્ચે રસી સહયોગ પર ચર્ચા કરી
હૈરિસે ભારતને કોરોનાની લડાઈમાં મદદનો ભરોસો આપ્યો
અમેરિકામાં નવી સરકારે કામકાજ સંભાળ્યા બાદ ગુરુવારે પહેલી વાર અમેરિકન ઉપરાષ્ટ્રપતિ કમલા હૈરિસે ભારતના પીએમ નરેન્દ્ર મોદી સાથે ફોન પર વાત કરી. રાષ્ટ્રપતિ જો બાયડનના રસીની મદદના એલાન બાદ થયેલી આ વાતચીતમાં અમેરિકન ઉપરાષ્ટ્રપતિ હૈરિસે ભારતને કોરોનાની લડાઈમાં મદદનો ભરોસો આપ્યો. ત્યારે પીએમે અમેરિકન મદદ પર આભાર વ્યક્ત કરવાની સાથે વૈ
શ્વિક સ્વાસ્થ્ય સ્થિતિ સુધરવા પર કમલા હૈરિસને ભારત આવવાનું નિમંત્રણ આપ્યું છે.
ક્વાર્ડની વચ્ચે રસી સહયોગ પર ચર્ચા કરી
પીએમ મોદીએ આ વાતચીત બાદ ટ્વીટ કરી કોરોનાની રસી પર વૈશ્વિક મદદના અમેરિકાના એલાનમાં ભારતને મળનારી મદદ પર ઉપ રાષ્ટ્રપતિ હૈરિસનો આભાર વ્યક્ત કર્યો છે. સાથે ભારત- અમેરિકાની ભાગીદારી આગળ વધારવા માટે કોવિડ પશ્ચાત દુનિયામાં વૈશ્વિક સ્વાસ્થ્ય અને અર્થવ્યવસ્થા સુધાર પર પણ એકબીજા સાથેનો સહયોગ મજબૂત કરવા પર ભાર મૂક્યો છે. બન્ને નેતાઓએ કોરોનાની વિરુદ્ધ એક બીજાની ભાગીદારી અને ક્વાર્ડની વચ્ચે રસી સહયોગ પર ચર્ચા કરી.
પીએમ કમલા હૈરિસને ભારત આવવાનું નિમંત્રણ આપ્યું
અમેરિકન ઉપ રાષ્ટ્રપતિ તરફથી કરવામા આવેલા આ મહત્વપૂર્ણ ફોન કોલ બાદ વિદેશ મંત્રાલયે જણાવ્યુ કે વાતચીત દરમિયાન પીએમ મોદીએ હૈરિસને કહ્યુંકે વૈશ્વિક સ્વાસ્થ્ય સ્થિતિઓ સારી થવા પર જલ્દી તેમના ભારતમાં સ્વાગતની આશા છે. આ વાતચીત દરમિયાન તેમણે તમામ નેતાઓને અમેરિકા તરફથી હાલ અઢી કરોડ રસીનો સપ્લાય શરુ કરવાની જાણકારી આપી. સાથે જણાવ્યુ કે પોતાના વાયદા મુજબ બાયડન પ્રશાસન 8 કરોડ રસી જૂનના અંત સુધી વૈશ્વિક મદદ તરીકે પુરી પાડશે. જેથી રસીનો ઘેરાવ વધારી શકાય.
અમેરિકા અઢી કરોડ રસી ઉપલબ્ધ કરાવશે
આ પહેલા જો બાયડને એલાન કર્યુ હતુ કે અમેરિકન સરકાર રસીની મદદની શરુઆત કરતા અઢી કરોડ રસી ઉપલબ્ધ કરાવશે. જેમાં મોટો ભાગ એટલે કે 1.9 કરોડ રસી આંતરરાષ્ટ્રીય કોવૈક્સ કાર્યક્રમને આપવામાં આવશે. જેથી નબળા અને જરુરિયાતમંદ દેશોને તેની મદદ પહોંચાડી શકાય. તેમણે કહ્યું કે લગભગ 70 લાખ ડોઝ દક્ષિણ પૂર્વ એશિયાઈ દેશોને આપવામાં આવશે. બાકીના ડોઝ એ દેશોમાં આપવામાં આવશે જ્યાં વધારે કેસ છે.