PM Modi US Visit / PM મોદી સાથે મુલાકાત દરમિયાન કમલા હેરિસે પાકિસ્તાનને કહ્યું એવું કે ઈમરાન ખાનની ઊંઘ હરામ થઈ જશે

વડાપ્રધાન નરેન્દ્ર મોદી અમેરિકાના પ્રવાસે છે. વડા પ્રધાન નરેન્દ્ર મોદીની દ્વિપક્ષીય બેઠકોમાં આજે બીજી બેઠક અમેરિકાના ઉપરાષ્ટ્રપતિ કમલા હેરિસ સાથે થઈ હતી, જેમાં વડાપ્રધાને કોવિડ -19 મહામારીમાં અમેરિકા દ્વારા મળેલા સહયોગમાં તેમના યોગદાન માટે તેમનો ઉત્સાહપૂર્ણ આભાર વ્યક્ત કર્યો હતો. 

બંને નેતાઓએ પહેલા વ્હાઇટ હાઉસમાં ખાનગીમાં પણ વાત કરી અને પછી પ્રતિનિધિમંડળ સ્તરની બેઠકમાં ભાગ લીધો. પીએમ મોદીએ કમલા હેરિસને ભારત આવવાનું આમંત્રણ પણ આપ્યું હતું. 

કમલા હેરિસે આતંકવાદનો મુદ્દો ઉઠાવ્યો

આ સાથે જ પીએમ મોદી સાથેની મુલાકાત દરમિયાન અમેરિકાના ઉપરાષ્ટ્રપતિ કમલા હેરિસે આતંકવાદનો મુદ્દો પણ ઉઠાવ્યો હતો. તેમણે સ્પષ્ટ કહ્યું કે પાકિસ્તાની ધરતી પર ઘણા આતંકવાદી સંગઠનો સક્રિય છે. તેમણે પાકિસ્તાનને આ આતંકવાદી સંગઠનો પર કાર્યવાહી કરવા કહ્યું છે જેથી તે અમેરિકા અને ભારતની સુરક્ષાને અસર ન થાય. 

બેઠક પહેલા બંને નેતાઓએ સંયુક્ત રીતે મીડિયાને સંબોધન કર્યું હતું. કોવિડ  દરમિયાન કમલા હેરિસની મદદને યાદ કરતા પીએમ મોદીએ કહ્યું કે ઉપરાષ્ટ્રપતિ બન્યા બાદ બંને નેતાઓ વચ્ચે ઘણી વાતો થઈ છે. ભારત કોવિડ મહામારી સામે લડી રહ્યું હતું ત્યારે પણ તેમની વચ્ચે વાતચીત થઈ હતી. 

તમારા(હેરિસની) ભારત આવવાની રાહ જોશે- પીએમ મોદી

તેમણે કહ્યું કે પોતાની જીતની સફર જારી રાખતા ભારતીયો ઈચ્છે છે કે તમે આને ભારતમાં જારી રાખીશું અને તમારા ભારત આવવાની રાહ જોશે. એટલા માટે હું તમને ભારત આવવાનું નિમંત્રણ આપું છું. કમલા હેરિસે એ વાત પર ભાર મૂક્યો કે ભારત અને અમેરિકાની સાથે કામ કરવાથી બન્ને દેશોના લોકો પર જ નહીં બલ્કે વિશ્વ પર ઉંડી અસર પાડશે. તેમણે કોરોના સહિત અનેક પ્રસંગે બન્ને દેશોની વચ્ચે નજર આવેલા સહયોગનો ઉલ્લેખ કર્યો છે. 

તમે જે રીતે મારી સાથે વાત કરી હતી તે હંમેશા યાદ રહેશે- પીએમ મોદી

તેમણે કહ્યું અમારી પાસે એક સંકટ કોરોના અને ખુલ્લા અને મુક્ત હિંદ પ્રશાંત વિસ્તારને લઈને આપણો સહિયારા વિશ્વાસનું મહત્વ હતુ. કોરોના પર આપણા દેશોએ મળીને કામ કર્યુ. મહામારીની શરુઆતમાં ભારત અન્ય દેશોને રસી પહોંચાડવાનો મહત્વનો સ્ત્રોત હતો. આ દરમિયાન પીએમ કમલા હેરિસની સાથે જૂનમાં થયેલી વાતચીતનો ઉલ્લેખ કર્યો અને કહ્યું કે તમે જે રીતે મારી સાથે વાત કરી હતી તે હંમેશા યાદ રહેશે. 

 તેમણે કહ્યું હતું કે તેઓને એ સમયે કમલા હેરિસના બોલાયેલા એકતાના શબ્દો યાદ છે. વડાપ્રધાને કહ્યું કે કોવિડ મહામારી સાથેની ખૂબ જ મુશ્કેલ લડાઈમાં અમેરિકી સરકાર અને કંપનીઓ અને વિદેશી ભારતીય સમુદાય ખૂબ મદદરૂપ થયા હતા. 

ટૂંકા ગાળામાં સિદ્ધિઓ હાંસલ કરી 

યુએસ પ્રેસિડેન્ટ અને હેરિસે પોતે એક સમયે પદ સંભાળ્યું જ્યારે સમગ્ર વિશ્વ ખૂબ જ મુશ્કેલ પડકારનો સામનો કરી રહ્યું હતું અને ખૂબ જ ટૂંકા ગાળામાં તેણે તમામ સિદ્ધિઓ હાંસલ કરી હતી પછી ભલે તે કોવિડ  હોય કે ક્લાઇમેટ ચેન્જ અથવા ક્વાડ.

પીએમ મોદીએ કહ્યું કે ભારત અને અમેરિકા વિશ્વની સૌથી મોટી અને સૌથી જૂની લોકશાહી છે. અમારા મૂલ્યો સમાન છે અને અમારો સહકાર ધીમે ધીમે વધી રહ્યો છે. "અમેરિકાના ઉપરાષ્ટ્રપતિ તરીકેની તમારી ચૂંટણી ખૂબ મહત્વની ઘટના હતી. તમે વિશ્વભરના ઘણા લોકો માટે પ્રેરણારૂપ છો અને મને ખાતરી છે કે રાષ્ટ્રપતિ જો બિડેન અને તમારા નેતૃત્વ હેઠળ અમારા દ્વિપક્ષીય સંબંધો નવી ઊંચાઈએ પહોંચશે. તેમને આમંત્રણ આપતા પીએમ મોદીએ કહ્યું હતું, 'ભારતના લોકો તમારું સ્વાગત કરવા માટે રાહ જોઈ રહ્યા છે. હું તમને ભારત આવવાનું આમંત્રણ આપું છું.

આતંકવાદ પર વાત 

પીએમ મોદી સાથે અમેરિકા ગયેલા વિદેશ સચિવ હર્ષવર્ધન શ્રિંગલાએ વોશિંગ્ટન ડીસીમાં જણાવ્યું હતું કે પીએમ નરેન્દ્ર મોદી અને અમેરિકાના ઉપરાષ્ટ્રપતિ કમલા હેરિસે અંતરિક્ષ સહયોગ, ઇન્ફોર્મેશન ટેકનોલોજી, ઇમર્જિગ ટેકનોલોજી, આરોગ્ય ક્ષેત્રોમાં સહકાર સહિત સહકારના ભવિષ્યના ક્ષેત્રો પર ચર્ચા કરી હતી. તેમણે વધુમાં કહ્યું કે, અમેરિકાના ઉપરાષ્ટ્રપતિ કમલા હેરિસે પીએમ મોદી સાથે સરહદ પારના આતંકવાદ પર સંમતિ દર્શાવી અને સ્વીકાર્યું કે ભારત ઘણા દાયકાઓથી આતંકવાદનો શિકાર છે. તેણીએ આવા આતંકી જૂથો માટે પાકિસ્તાનના સમર્થન પર નજીકથી નજર રાખવાની જરૂરિયાત પર પણ સંમતિ દર્શાવી હતી. હર્ષવર્ધન શ્રિંગલાએ કહ્યું કે પીએમ મોદી સાથેની મુલાકાત દરમિયાન અમેરિકાના ઉપરાષ્ટ્રપતિ કમલા હેરિસે આતંકવાદનો મુદ્દો પણ ઉઠાવ્યો હતો. તેમણે સ્પષ્ટ કહ્યું કે પાકિસ્તાની ધરતી પરઘણા આતંકવાદી સંગઠનો સક્રિય છે. તેમણે પાકિસ્તાનને આ આતંકવાદી સંગઠનો સામે કાર્યવાહી કરવા કહ્યું છે.