સલમાન ખાનની રાધે ફિલ્મનું રિવ્યૂ કરીને ચર્ચામાં આવેલા કમાલ ખાનના ઘરે ચોરી થઈ છે. તેણે સીસીટીવી ફૂટેજ શેર કરીને કહ્યું-ચોર બધી રકમ લઈને ભાગી ગયો.
હાલમાં કમાલ ખાન સલમાન સાથેના વિવાદને લઈને ચર્ચામાં છે
હવે કમાલ ખાનના ઘરે થઈ ચોરી
કમાલ ખાને સીસીટીવી ફૂટેજ શેર કર્યું
કમાલ રશિદ ખાન એટલે કે KRK એક ફિલ્મ પ્રોડ્યુસર, એક્ટર અને રાઇટર છે. કેઆરકે ફિલ્મોના રિવ્યૂ માટે પણ જાણીતા છે. ત્યારે હાલમાં જ સોશિયલ મીડિયા પર એક વીડિયો વાયરલ થઇ રહ્યો છે, જેમાં તેણે ચોરીનો એક CCTV ફૂટેજ શેર કર્યો છે. તેણે દાવો કર્યો છે કે, 29-30 મેની રાતે તેનાં ઘરે ચોરી થઇ હતી. વીડિયોમાં ચોર તેના ઘરની સીડીઓ ચડતો દેખાય રહ્યો છે.
કેઆરકે એ ઇન્સ્ટાગ્રામ પર સીસીટીવી ફૂટેજ શેર કરીને લખ્યું છે કે, 'ગત રાત્રે આ શખ્સ મારા ઘરમાં ઘૂસ્યો અને તેણે સેફ તોડી નાંખ્યું અને બધી જ કેસ લઇને ફરાર થઇ ગયો છે. આશા છે કે, મુંબઇ પોલીસ જલ્દી જ તેને પકડી લેશે. વીડિયોમાં એક વ્યક્તિ સીડીઓ ચડતો જોવા મળી રહ્યો છે. તેણે તેનું મો ઢાકેલું છે KRKનું કહેવું છે કે, વ્યક્તિ બારી તોડીને ઘરમાં ઘૂસ્યો. અહીં તેણે લોકર તોડીને બધું કેસ કાઢી ફરાર થઈ ગયો.
તમને જણાવી દઇએ કે, KRK એ થોડા દિવસ પહેલાં સલમાન ખાનની ફિલ્મ 'રાધે'નો રિવ્યૂ કર્યો હતો. આ રિવ્યૂમાં તેણે ક્યું હતું કે, આ ફિલ્મની કહાની માણસોની સમજમાં આવવી મુશ્કેલ છે. આ બાદ સલમાન ખાને કમાલ ખાન પર માનહાનિનો કેસ કર્યો હતો અને તેને લીગલ નોટિસ ફટકારી હતી.
સલમાન ખાનની લીગલ ટીમ DSKએ એક નિવેદન જાહેર કર્યું હતું કે, 'કમાલ આર ખાને ટ્વિટ અને વીડિયો શેર કરી આરોપ લગાવ્યો છે કે સલમાન ખાને તેની ઉપર માનહાનિનો કેસ કર્યો છે. રાધે ફિલ્મના નેગેટિવ રિવ્યૂ કરવાને કારણે આવું કરવામાં આવ્યું છે. આ યોગ્ય નથી. કેસ સલમાન ખાનને ભ્રષ્ટ અને તેની બ્રાન્ડ બીઇંગ હ્યૂમનને છેતરપિંડી, મની લોન્ડ્રિંગ અને હેરાફેરીનો આરોપ લગાવવા અને તેને બદનામ કરવા બદલ કરવામાં આવ્યો છે.
તમને જણાવી દઈએ કે, કેઆરકે એટલે કે કમાલ આર ખાને ટ્વિટ કરીને સલમાન ખાનની ફિલ્મની ખૂબ ટીકા કરી હતી. જે બાદ સલમાને કેઆરકે પર માનહાનિનો દાવો કર્યો અને નોટિસ ફટકારી. એ પછી કેઆરકે સલમાન વિરૂદ્ધ એક પછી એક ટ્વિટ કરીને પોતાનો ગુસ્સો ઠાલવી રહ્યો છે. ત્યારે હાલમાં ફરી તેણે એક વાંધાજનક ટ્વિટ કરી જે ખૂબ વાયરલ થઈ છે.