મધ્ય પ્રદેશના મુખ્યમંત્રી કમલનાથના દિકરા અને છિંદવાડા લોકસભા સીટના કોંગ્રેસના ઉમેદવાર નકુલનાથ (44) અને તેમનીદ દિકરી પ્રિયા નાથની પાસે 660.01 કરોડ રૂપિયાથી વધારેની ચલ અને અચલ સંપત્તિ છે. નકુલ તથા તેમની પત્નીની સંપત્તિ કમલનાથ અને તેમની પત્ની અલ્કા નાથની સંપત્તિ કરતા પાંચ ગણા વધારે છે. આ જાણકારી નકુલનાથે પ્રદેશ છિંદવાડા લોકસભા સીટ માટે થનારી ચૂંટણી માટે મંગળવારે તૈયાર કરવામાં આવેલા નામાંકન પત્ર માટે આપી છે. તાજેતરમાં જ રાજનીતિમાં આવેલા ઉદ્યોગપતિ નકુલનાથ પહેલી વખત ચૂંટણી લડવા જઇ રહ્યો છે, તેણે પોતાના નામાંકન પત્ર મંગળવાર આપ્યો. આ સીટ પર તેમના પિતા કમલનાથ 9 વખત સાંસદ રહી ચૂક્યા છે.
નકુલનાથના સોશ્યલ મીડિયા પર 5 એકાઉન્ટ છે, જેમાં તેમની વેબસાઇટ, ફેસબુક, ટ્વિટર, ઇન્સ્ટાગ્રામ તથા ગૂગલ પ્લસ શામેલ છે. રિપોર્ટ અનુસાર, નકુલનાથની પાસે 613.93 કરોડ રૂપિયાથી વધારે ચલ તથા 41.77 કરોડ રૂપિયાથી વધારે અચલ સપંત્તિ છે, તેમની પત્ની પાસે 2.30 કરોડ રૂપિયાથી વધારની ચલ સંપત્તિ છે, નકુલની પત્ની પાસે કોઇ અચલ સંપત્તિ નથી. જે અચલ સંપત્તિ નકુલના નામ પર છે, તેમાં તેમના નામની સાથે સાથે પરિવાર દ્વારા નિયત્રિંક કંપનીઓ તથા ટ્રસ્ટની સંપત્તિ પણ શામેલ છે. જોકે, નકુલનાથ અને તેમની પત્ની પાસે કોઇ વાહન નથી.
\
નામાંકનપત્ર અનુસાર, નકુલની પાસે 896.669 ગ્રામથી વધારે સોનુ, 7.630 કિલો ચાંદી, 147,58 કૈરેડ ડાયમંડ અને સ્ટોનની ઝવેરાત છે, જેની કિંમત 78.45 લાખ રૂપિયાથી વધારે છે, ત્યારે તેમની પત્ની પાસે 270.322 ગ્રામ સોનુ, 161.84 કૈરેટ ડાયમંડ તથા સ્ટોનની ઝવેરાત છે, જેની કુલ કિંમત 57.62 લાખ રૂપિયાથી વધારે છે. વર્ષ 2017-18માં ભરેલા ઇન્કમ ટેક્સ અનુસાર, નકુલનાથની વાર્ષિક આવક 2.76 કરોડ રૂપિયાથી વધારે છે જ્યારે તેમની પત્નીની વક 4.18 કરોડ રૂપિયાથી વધારે છે. નકુલનાથની પાસે છિંદવાડા જિલ્લામાં કુલ 7.82 એકરથી વધારે જમીન છે.