નવી દિલ્હીઃ મધ્ય પ્રદેશમાં 15 વર્ષ જૂની શિવરાજ સરકારને ઝટકો આપતા કોંગ્રેસ સૌથી વધુ બેઠકો મેળવનારી પાર્ટી બનીને ઉભરી છે. કોંગ્રેસે 121 નેતાઓની યાદી રાજ્યપાલને સોંપી દીધી છે અને સરકાર બનાવવાનો દાવો કર્યો છે. સમાજવાદી પાર્ટી બહુજન સમાજ પાર્ટી અને અન્ય પક્ષો કોંગ્રેસને સમર્થન આપશે.
આવતીકાલે રાહુલ ગાંધી સાથે મુલાકાત
કોંગ્રેસના નેતા આજે મોડી રાત્રે દિલ્હી પહોંચી રહ્યા છે. પર્યવેક્ષક એક એન્ટની અને કેસી વેણૂગોપાલ કોંગ્રેસ અધ્યક્ષ રાહુલ ગાંધી સાથે મુલાકાત કરશે અને તેમને સપોર્ટ કરશે. કાલે કમલનાથ અને સિંધિયા રાહુલ ગાંધી સાથે મુલાકાત કરી શકે છે.
હાઇ કમાન્ડમાથી કમલનાથનુ નામ ફાઇનલઃ સુત્ર
મધ્યપ્રદેશમાં કોંગ્રેસે અન્ય પક્ષોના સપોર્ટથી બહુમતી તો હાંસલ કરી લીધી છે. પરંતુ હવે સવાલ સામે એ છે કે મુખ્યમંત્રી કોણ...? કારણ કે મુખ્યમંત્રીની રેસમાં બે નામ ચર્ચામાં છે એક કમલનાથ અને બીજું જ્યોતિરાદિત્ય સિંધ્યા. જોકે હાલ સમગ્ર મામલો રાહુલ ગાંધીના હાથમાં પહોંચી ગયો છે. જ્યાંથી મુખ્યમંત્રીના નામની જાહેરાત થઈ શકે છે.
જોકે ચર્ચા એવી પણ છે કે મુખ્યમંત્રીની રેશમાં કમલનાથનું નામ ફાઈનલ છે. ત્યારે આવતીકાલે હાઈકમાન્ડ મુખ્યમંત્રીના નામ પર મોહર લગાવી શકે છે.