#BigNews: મધ્યપ્રદેશમાં કમલનાથ સંભાળશે મુખ્યમંત્રી પદ હાઇકમાન્ડ દ્વારા કરાઇ જાહેરાત

નવી દિલ્હીઃ મધ્યપ્રદેશના ભોપાલ ખાતે કોંગ્રેસ ધારાસભ્ય દળની બેઠક યોજાઈ હતી. પ્રદેશ કોંગ્રેસ કાર્યાલય ખાતે ધારાસભ્ય દળની બેઠક મળી હતી. આ બેઠક દરમિયાન કમલનાથની મધ્યપ્રદેશના મુખ્યમંત્રી તરીકે પસંદગી 
કરવામાં આવી છે.

આ બેઠકમાં કોંગ્રેસના નવા ચૂંટાયેલા ધારાસભ્યો હાજર રહ્યા હતા. આ બેઠકમાં મુખ્યમંત્રીના નામ પર નિર્ણય લેવામાં આવ્યો છે. હાઇકમાન્ડ દ્વારા મધ્યપ્રદેશમાં કમલનાથનું નામ ફાઇનલ કરવામાં આવ્યું છે. કોંગ્રેસ દ્વારા 
કમલનાથને મુખ્યમંત્રીનું નામ જાહેર કરાયું છે. 

મહત્વું છે કે તમામ લોકોની મંજૂરી બાદ નામ જાહેર કરવામાં આવ્યું છે. કમલનાથ અને જ્યોતિરાદિત્ય સિંધિયાના નામ મોખરે હતું. જો કે બંનેમાંથી એક પણ વિધાનસભાની ચૂંટણી લડ્યા નથી.

મધ્યપ્રદેશમાં કોંગ્રેસે અન્ય પક્ષોના સપોર્ટથી બહુમતી તો હાંસલ કરી લીધી હતી. પરંતુ મુખ્યમંત્રી કોણ બને તેને લઇને અસમંજસ હતી? કારણ કે મુખ્યમંત્રીની રેસમાં બે નામ ચર્ચામાં હતા એક કમલનાથ અને બીજું 
જ્યોતિરાદિત્ય સિંધ્યા.

જોકે આ સમગ્ર મામલો રાહુલ ગાંધીના હાથમાં પહોંચી ગયો હતો. જ્યાંથી મુખ્યમંત્રીના નામની જાહેરાત થઈ છે. મુખ્યમંત્રીની રેસમાં કમલનાથનું નામ ફાઈનલ થયું છે. ત્યારે હવે હાઈકમાન્ડે કમલનાથના નામ પર મહોર લગાવી છે.