કેન્દ્રીય ગૃહમંત્રી અમિત શાહ દ્વારા દેશની રાષ્ટ્રભાષા પર આપેલા નિવેદન બાદ રાજનીતીમાં ઘમાસાણ સર્જાયું છે. શાહના નિવેદન પર સૌથી બુલંદ અવાજ દક્ષિણથી આવી રહ્યો છે. હવે સાઉથના સુપરસ્ટાર અને રાજનેતા કમલ હાસને આ મામલે ટ્વિટ કરી કહ્યું કે, દેશમાં એક ભાષાને થોપી શકાય નહીં, જો એવું થાય છે તો તેના પર મોટુ આંદોલન થશે.
અમિત શાહના રાષ્ટ્રભાષા પરના નિવેદન પર મોટો વિવાદ
વિપક્ષના ઘણા નેતાઓએ અમિત શાહના નિવેદનની નિંદા કરી
કમલ હાસને વીડિયો જાહેર કરી યાદ અપાવ્યું વચન
ટ્વિટર પર એક વીડિયો જાહેર કરતા કમલ હાસને કહ્યું કે કોઇ શાહ, સુલ્તાન અથવા સમ્રાટ અચાનક વચન ન તોડી શકે, 1950માં જ્યારે ભારત ગણતંત્ર બન્યું તો ત્યારે વચન આપવામાં આવ્યું હતું કે દરેક ક્ષેત્રની ભાષા અને કલ્ચરનું સમ્માન કરવામાં આવશે અને તેને સુરક્ષિત રાખવામાં આવશે.
સાઉથના સુપરસ્ટાર કમલ હાસને કહ્યું કે, ઘણા રાજાઓએ પોતાના રાજપાઠ દેશની એકતા માટે ન્યોછાવર કરી દીધા હતા. પરંતુ લોકો પોતાની ભાષા, સંસ્કૃત્તિ અને ઓળખને ગુમાવા નથી ઇચ્છતા. કમલ હાસને કહ્યું કે ભારત એવો દેશ છે જ્યાં લોકો એક સાથે બેસીને ખાય છે, કોઇના પર કંઇપણ થોપી ન શકાય. એમણે વીડિયોમાં કહ્યું કે તમિલને લાંબા સમય સુધી જીવવા દો, દેશને સમૃદ્ધ થવા દો.
Now you are constrained to prove to us that India will continue to be a free country.
કમલ હાસને કહ્યું કે કોઇપણ નવો કાયદો અથવા સ્કીમ લાવતા પહેલા જનતા સાથે વાત કરવી જોઇએ. જલીકટ્ટૂ માટે જે થયું તે માત્ર એક પ્રદર્શન હતું, પરંતુ ભાષાને બચાવવા માટે જે થશે એ તેના કરતા મોટુ હશે.
સુબ્રમણ્યમ સ્વામીનો પલટવાર
કલમ હાસન દ્વારા જાહેર કરાયેલા આ વીડિયો બાદ રાજ્યસભા સાંસદ સુબ્રમણ્યમ સ્વામીએ પણ ટ્વિટ કર્યું. એમણે લખ્યું કે કમલ હાસન, એમકે સ્ટાલિન હિન્દી થોપવાની વાત કરી રહ્યા છે. તમિલનાડુમાં હિન્દી ન ભણાવવાને લઇને શું કહેશે? હિન્દીને પણ તમિલનાડુમાં ઓપ્શનલ ભાષા બનાવવી જોઇએ.