પંચમહાલના કાલોલમાં અધતન સાયન્સ સિટી પ્રોજેક્ટ હોદ્દેદારોના અણઘડ વહીવટના કારણે અટકાઈ ગયો છે અને લાખો રૂપિયાની ગ્રાન્ટ વપરાયા વગરની વર્ષોથી પડી રહી છે. કોની બેદરકારીથી સાયન્સ સિટી પ્રોજેક્ટનો ફિયાસ્કો થયો. તે તો હવે તપાસમાં જ ખુલવા પામશે.
ઉલ્લેખનીય છે કે કાલોલ નગરપાલિકા દ્વારા વર્ષ 2014 કાલોલમાં વિદ્યાર્થીઓ અને નાગરિકોને વિજ્ઞાનમાં રસ વધે અને જ્ઞાનમાં વધારો થાય તેવા ઉમદાથી અંદાજીત 1.25 કરોડના બજેટ સાથે સાયન્સ સિટીનું બાંધકામ શરૂ કરાયું હતું. પરંતુ આખો પ્રોજેકટ જમીનના વિવાદને લઇને મામલો કોર્ટ સુધી પહોંચતા જેતે સમયે સાયન્સ સિટીના મકાનનું બાંધકામ અટકાવી દેવામાં આવ્યું હતું.
બીજી તરફ દિન પ્રતિદિન સાયન્સ સિટીના મકાનની હાલત બદતર થઇ રહી છે. ત્યારે જાગૃત નાગરિકોએ હોદ્દેદારો અને અધિકારીઓ સામે કાયદેસરની લાર્યવાહી કરી આ મહામુલા પ્રોજેક્ટનું કામ પુનઃ શરૂ થાય તેવી માંગ કરી રહ્યા છે.આપને જણાવી દઇએ કે સાયન્સ સિટી પ્રોજેક્ટ વર્ષ 2014થી શરૂ કરાયો હતો.
કાલોલ નગરપાલિકા હસ્તકની જમીન હોવાથી કોર્ટમાં અરજી કરાઈ હતી. કોર્ટમાં મામલો જતાં કામ અટકાઈ દેવાયું હતું અને જિલ્લા કલેકટર દ્વારા થોડા સમય પહેલા નગરપાલિકાને સાયન્સ સિટીના જમીન પાલિકા હસ્તક કરવા માટે નાણા ભરવાનું કહ્યું હતું.નાણા ભરપાઈ થયા બાદ કોન્ટ્રાકટરને પ્રોજેક્ટ સોંપાયો હતો.
કાલોલ નગર પાલિકાના હાલના સત્તાધીશોએ આશ્વાશન તો આપ્યું છે પરંતુ કોઈને કોઈ કારણસર છેલ્લા 4 વર્ષોથી ખોરંભે પડેલો એક કરોડ ઉપરાંતનો આ મહામુલો સાયન્સ સિટીનો પ્રોજેકટ અટકાઈ જયાં અહી તંત્ર સામે અનેક સવાલો થાય છે. કોની બેદરકારીથી સાયન્સ સિટીનો પ્રોજેક્ટ અટકાયો?1 કરોડ ઉપરાંતનો પ્રોજેક્ટ કેમ અટકી પડયો? ન.પા.ના સત્તાધીશોને સાયન્સ પ્રોજેક્ટમાં રસ નથી? અધિકારીઓ અટકી પડેલા પ્રોજેક્ટને કયારે ચાલુ કરશે? તમામ સવાલોનો જવાબ આવનાર સમય જ બતાવશે.