સિંગિંગ ક્વીન નેહા કક્કડ સુપરહિટ સોન્ગ આપીને લાખો યુવા દિલની ધડકન બની બની ચૂકી છે. તેનો આજે જન્મદિવસ છે. નેહા 6 જૂન, 1988ના દિવસે ઉત્તરાખંડના ઋષિકેશમાં જન્મી હતી. ઈન્ટરનેટ સેન્સેશન બની ચૂકેલી નેહા કરોડોની કમાણી કરી રહી છે. ત્યારે આ ખાસ અવસર પર નેહાના ભાઈ ટોની કક્કડે ખુલાસો કર્યો છે કે, તેમના માતા-પિતા નેહાને દુનિયામાં લાવવા નહોતા માંગતા, તેઓ અબોર્શન કરાવવા માંગતા હતા.
ઈન્ટરનેટ સેન્સેશન બની ચૂકેલી નેહા કરોડોની કમાણી કરી રહી છે
આજે તેના જન્મદિવસ પર ભાઈ ટોનીએ કર્યો ખુલાસો
ટોનીએ કહ્યું કે, માતા-પિતા નહોતા ઈચ્છતા કે તેઓ બાળક દુનિયામાં લાવે
એક વીડિયોમાં ટોનીએ જણાવ્યું કે, એ સમયે તેના પરિવારની આર્થિક સ્થિતિ સારી નહોતી. એવામાં તેઓ નહોતા ઈચ્છતા કે, બાળકનો જન્મ થાય, પરંતુ આઠ સપ્તાહ વીતી જવાને કારણે તેની માતા અબોર્શન કરાવી શકી નહીં. તમને જણાવી દઈએ કે, તમને જણાવી દઈએ કે, બોલિવૂડની સિંગિગ ક્વીન બન્યા પહેલાં નેહા અને તેની બહેન બાળપણથી જ જાગરણમાં ભજન ગાતી હતી અને ભજન ગાઈને પૈસા કમાવતી હતી અને આ રીતે તે ગાતા શીખી ગઈ.
નેહાએ 2006માં સિંગિગ રિયાલિટી શો ઈન્ડિયન આઈડલમાં કન્ટેસ્ટન્ટ તરીકે ભાગ લીધો હતો અને બસ પછી નેહાની સક્સેસની સફર શરૂ થઈ. નેહાની કિસ્મત પલટાઈ ગઈ. તે આ શો જીતી નહોતી પરંતુ હવે તે આ જ શોમાં જજ પણ રહી ચૂકી છે. નેહાની બહેન સોનુ તેની મેન્ટોર રહી છે અને તેની દેખરેખમાં નેહા ગાતા શીખતી હતી.
અત્યારે તો નેહાનો કોઈપણ સોન્ગ રિલીઝ થતાં જ ટોપ ટ્રેન્ડિંગમાં સામેલ થઈ જાય છે. ફીમેલ સિંગર્સની વાત કરીએ તો સોશિયલ મીડિયા પર તેની ફ્રેન્ડ ફોલોઈંગ જબરદસ્ત છે. 38 મિલિયનથી વધારે ફોલોઅર્સ છે. આજે નેહા સફળતાના શિખરે પહોંચી ગઈ છે. હાલમાં જ તેણે ઋષિકેશમાં એક આલીશાન બંગલો ખરીદ્યો અને તેની તસવીરો સોશિયલ મીડિયા પર શેર કરી હતી.