બોલિવૂડની દિગ્ગજ અભિનેત્રી કાજોલે હાલમાં એક પ્રમોશનલ ઈવેન્ટમાં #MeToo મૂવમેન્ટ પર વાત કરી હતી. તેણે કહ્યું કે, ભારતમાં મીટૂ મૂવમેન્ટ પછી ઘણો બદલાવ જોવા મળ્યો છે. હવે પુરૂષો પોતાના વર્તન અને સંમતિ પ્રત્યે વધારે સાવધ થયા છે. કાજોલ હાલમાં જ શોર્ટ ફિલ્મ 'દેવી'માં જોવા મળી છે. આ શોર્ટ ફિલ્મમાં તેની સાથે શ્રુતિ હાસન, નેહા ધૂપિયા. નીના કુલકર્ણી, મુક્તા બર્વે, શિવાની રઘુવંશી, સંધ્યા મહાત્રે, રમા જોશી અને રશાવિની દયામા મહત્વની ભૂમિકા ભજવી છે. આ શોર્ટ ફિલ્મ નવ અલગ-અલગ મહિલાઓના જીવનની કહાની છે.
અભિનેત્રી કાજોલે #MeToo મૂવમેન્ટ પર કરી આ વાત
ભારતમાં મીટૂ મૂવમેન્ટ પછી ઘણો બદલાવ જોવા મળ્યો છે
પુરૂષો પોતાના વર્તન અને સંમતિ પ્રત્યે વધારે સાવધ થયા છે
મીડિયા રિપોર્ટ મુજબ, કાજોલ અને તેની કો-સ્ટાર શ્રુતિ હાસને ભારતમાં મીટૂ મૂવમેન્ટની અસરને લઈને વાત કરી હતી. અત્રિનેત્રીઓ જણાવ્યું કે, કઈ રીતે મીટૂ મૂવમેન્ટ બાદ બદલાવ આવ્યો. કાજોલે કહ્યું કે, હવે પુરૂષોએ પોતાને સાત ડગલાં પાછળ કરી દીધાં છે. હવે તેઓ હમેશાં સચેત રહે છે. કાજોલે કહ્યું કે, હવે અભિનેત્રીઓ સાથે લોકોનું વર્તન બદલાયું છે. સેટ પર પણ તેની સાથે સારી રીતે વર્તન કરવામાં આવે છે. હવે તેઓ સંમતિને લઈને પહેલાં કરતા વધુ સાવધ છે.
તમને જણાવી દઈએ કે, મીટૂ મૂવમેન્ટની શરૂઆત હોલિવૂડથી થઈ હતી. જે બાદ વર્ષ 2018માં ભારતમાં ઘણી મહિલાઓએ આ મૂવમેન્ટમાં ભાગ લીધો હતો અને એક્ટર્સ, ફિલ્મમેકર્સ, રાઈટર્સ અને પત્રકારો વિરૂદ્ધ અવાજ ઉઠાવ્યો હતો. નાના પાટેકર, આલોક નાથ, સાજિદ ખાન, વિકાસ બહલ અને રજત કપૂર જેવી ઘણી હસ્તીઓ પર જાતીય સતામણીનો આરોપ મૂકાયો હતો.
કાજોલથી જ્યારે આ મૂવમેન્ટ બાદ મહિલાઓ સાથે ફિલ્મના સેટ પર કેવું વર્તન થાય છે તે અંગે સવાલ કરાયો તો તેણે કહ્યું, હવે પુરૂષોનું વર્તન બદલાયું છે અને માત્ર ફિલ્મના સેટ પર જ નહીં પરંતુ બધી જગ્યાએ તમને દેખાશે કે હવે પુરૂષોના વર્તનમાં બદલાવ આવ્યો છે.