લખનૌઃ ઉત્તરપ્રદેશના કેરાના લોકસભા બેઠક પર આજે પેટાચૂંટણી યોજાઈ છે. સાથે જ અન્ય ત્રણ લોકસભા અને 10 વિધાનસભા સીટો પર પણ પેટા ચૂંટણી યોજાઈ છે. લોકસભાની જે ચાર સીટો પર પેટાચૂંટણી થઈ રહી છે. તેમાં ઉત્તરપ્રદેશની કેરાના મહારાષ્ટ્રની પાલઘર અને ભંડારા ગોદિયા અને નાગાલેન્ડની એક બેઠકનો સમાવેશ થાય છે.
કેરાના લોકસભા બેઠક પરની ચૂંટણી આજે ભાજપ અને વિપક્ષો માટે શાખનો સવાલ છે. સાથે જ 2019ની લોકસભા ચૂંટણી માટે સેમીફાઈનલ માનવમાં આવી રહી છે. ભાજપ માટે શાખનો સવાલ બનેલી આ બેઠક પર બે સૌથી મોટા રાજકીય પરિવારોની મહિલાઓ આમને-સામને ઉભી છે.
જોકે આજે કેરાના જ નહીં પરંતુ અન્ય ત્રણ લોકસભા અને 10 વિધાનસભા સીટો પર પણ પેટા ચૂંટણી છે. લોકસભાની જે ચાર સીટો પર પેટાચૂંટણી થવાની છે. જોકે આ તમામ બેઠકો પર આજે મતદાન યોજાવા જઈ રહ્યું છે. ત્યારે મતદાન કેન્દ્રો પર સઘન સુરક્ષા બંદોબસ્ત ગોઠવી દેવામાં આવ્યો છે.
ત્યારે યૂપીના નૂરપુર વિધાનસભા બેઠકની સાથે બિહાર ઝારખંડ કેરળ મહારાષ્ટ્ર મેઘાલય પંજાબ ઉત્તરાખંડ અને પશ્ચિમ બંગાળ સહિત કુલ 10 વિધાનસભા બેઠકો પર મતદાન થઇ રહ્યું છે. આ પેટાચૂંટણીના પરિણામો 31 મેના રોજ આવશે.