નમસ્તે ટ્રમ્પ / ‘મારું ચાલે તો હું ટ્રમ્પને પણ નચાવીશ’- કૈલાશ ખેરનો ઉત્સાહ

• ‘નમસ્તે ટ્રમ્પ’ કાર્યક્રમમાં કૈલાશ ખેર પરફોર્મ કરશે 
• ડોનાલ્ડ ટ્રમ્પને નચાવવા છે - કૈલાશ ખેર
• કૈલાશ ખેર સિવાય ગુજરાતી લોકગાયક કિર્તીદાન ગઢવી પણ પરફોર્મ કરશે 

24 ફેબ્રુઆરી ભારત માટે મહત્વપૂર્ણ દિવસ બની રહેશે, કારણ કે યુએસના રાષ્ટ્રપ્રમુખ ડોનાલ્ડ ટ્રમ્પ પહેલીવાર ભારતની મુલાકાતે આવે છે. ટ્રમ્પ અમદાવાદમાં ઉતરશે જ્યાં તેમના સ્વાગતની તૈયારીઓ કરવામાં આવી રહી છે. ગાયક કૈલાશ ખેર ટ્રમ્પને આવકારવા માટે એક ગીત ગાશે. કૈલાશે ખુબ તૈયારી કરીને એક ખાસ પ્રદર્શન તૈયાર કર્યું છે.

#WATCH "The performance to start with the song 'Jai-Jai-Kara, Swami saath dena humara' and end with 'Bam Bam Lahiri', if I have my way I would make him(Trump) also dance on this song,"Kailash Kher on his performance at 'Namaste Trump' event at Motera Stadium in Ahmedabad on Feb24 pic.twitter.com/rOlr5W6368

— ANI (@ANI) February 22, 2020

ડોનાલ્ડ ટ્રમ્પને નચાવવા છે - કૈલાશ ખેર

કૈલાશ ખેર ટ્રમ્પને આવકારવા નમસ્તે નામનું ગીત ગાવાના છે. પોતાના પ્રદર્શન વિશે વાત કરતાં કૈલાશે કહ્યું હતું કે, "જય જયકાર સ્વામી દેના સાથ હમારા" ગીતથી તેઓ શરૂઆત કરશે અને 'અગદ બમ-બમ લહેરી' સાથે સમાપન કરશે. કૈલાશે આગળ ટ્રમ્પ સાથે નૃત્ય કરવાની પણ વાત કરી હતી. તેણે કહ્યું, 'જો મારું ચાલશે તો હું પણ તેમને(ટ્રમ્પ) નચાવીશ અને હું પણ આ ગીત (બમ બમ લહરી) પર ડાન્સ કરીશ.'

‘નમસ્તે ટ્રમ્પ’ કાર્યક્રમમાં કૈલાશ ખેર સિવાય ગુજરાતી લોકગાયક કિર્તીદાન ગઢવી પણ પરફોર્મ કરવાના છે. કૈલાસ ખેર ગુજરાતના અમદાવાદના મોટેરા સ્ટેડિયમ ખાતે પોતાનો પ્રદર્શન આપવા જઇ રહ્યા છે. આ ભારતનું સૌથી મોટું સ્ટેડિયમ છે, જેમાં 1.25 લાખ લોકો સમાઈ શકશે. 22 કિમી લાંબો આ રોડ શો થવા જઈ રહ્યો છે.

ડોનાલ્ડ ટ્રમ્પ વિશે વાત કરીએ તો તે 2 દિવસના ભારત પ્રવાસ માટે આવી રહ્યા છે. આ પ્રસંગે ટ્રમ્પ આગ્રામાં તાજમહેલની પણ મુલાકાત લેશે અને વડા પ્રધાન નરેન્દ્ર મોદી સાથે વેપાર અને અન્ય મુદ્દાઓ પર વાત કરશે.