એક્શન / આઇ લાઇક યુ, નાઇસ ગર્લ: અડધી રાતે મહિલા GRDને અભદ્ર મેસેજ કરતો PSI સસ્પેન્ડ

• સુરતમાં મહિલાકર્મીને અસભ્ય મેસેજ કરનાર PSI સસ્પેન્ડ
• મહિલા પોલીસકર્મીને કર્યા હતા આપતિજનક મેસેજ 
• મહિલા ઇન્ચાર્જને જાણ કરતા સમગ્ર મામલો બહાર આવ્યો હતો

 સુરતમાં પોલીસે જ પોલીસ સામે કાર્યાવાહી કરી 

મહિલાઓને હેરાનગતિ કરતા અનેક કિસ્સાઓ પોલીસ સ્ટેશનમાં નોંધાય છે. જેના વિરૂદ્ધ પોલીસ કાર્યવાહી પણ કરે છે પરંતુ ખુદ પોલીસ જ મહિલાકર્મી સામે અશોભનિય વર્તન કરે તો તેને પણ ચલાવી લેવામાં નહીં આવે. આમ પોલીસને પણ તેના ગેરવર્તનની સજા મળી છે તેનું ઉદાહરણ સુરતમાં જોવા મળ્યુ હતુ.
 
 

કડોદરા PSI મહિલા પોલીસકર્મીને કર્યા હતા આપતિજનક મેસેજ 

આ અંગે પોલીસ સૂત્રોના જણાવ્યા અનુસાર કડોદરા પોલીસ સ્ટેશનમાં ફરજ બજાવતા PSI એ.બી.મોરીએ  કડોદરા જી.આઈ.ડી.સી પોલીસ સ્ટેશનમાં જ ફરજ બજાવતી અને સાથે કામ કરતી મહિલા તેમજ જી.આર.ડીને એક મહિલા કર્મીને મોડી રાત્રે આપત્તિ જનક મેસેજ અને વિડીયો કોલ કરતા હતા.જેને લઇને ભારે હોબાળો મચી ગયો હતો.

મહિલા ઇન્ચાર્જને જાણ કરતા સમગ્ર મામલો બહાર આવ્યો હતો

જો કે, આ સમગ્ર મામલે જીઆરડીની એક મહિલા કર્મી એ આ અંગે મહિલા થાણા ઈન્ચાર્જને જાણ કરી હતી જેને લઈને આ મસગ્ર મામલો બહાર આવ્યો હતો. આમ મહિલાકર્મીના નિવેદન બાદ ગ્રામ્ય પોલીસ વડાએ તાત્કાલિક PSIને સસ્પેન્ડ કરી દેવાયા હતાં.આમ પોલીસે જ પોલીસ પર કાર્યવાહી કરી તેનું ઉદાહરણ પુરૂ પાડ્યું છે.