BYJU'S એપ સાથે સંકળાયેલા લોકોએ ગુજરાતી સિલેબસની વાત કરીને અંગ્રેજી માધ્યમનો સિલેબસ પધરાવ્યો. ફરી સંસ્થાએ એક મહિનામાં ગુજરાતી સિલેબસ આવવાનું આશ્વાસન આપ્યું. આખરે ફરિયાદ
ઓનલાઇન શિક્ષણમાં ખુલ્લેઆમ છેતરપીંડી
મહેસાણામાં BYJU'S સામે પરિવારની ફરિયાદ
BYJU'S ગ્રાહક સુરક્ષામાં ફરિયાદ થતા ચકચાર
રાજ્યમાં ઓન લાઈન શિક્ષણનાં વધતા વ્યાપને લઈને જાણીતી સંસ્થાઓ પણ ગ્રાહકોને અનેકવિધ લોભ-લાલચ કે મોટી સ્કોલરશીપ આપવાની લાલચ આપી વિધાર્થીના માતા-પિતાને ફસાવે છે. અને જુદા-જુદા ફાયદાના આંબા-આંબલી બતાવી છેતરપીંડી કરતાં હોવાના કિસ્સા પ્રકાશમાં આવે છે. આવો જ એક કિસ્સો મહેસાણામાં પ્રકાશમાં આવ્યો છે. BYJU'S એ એપ સાથે સંકળાયેલા વિધાર્થીના પરિવારોને ગુજરાતી સિલેબસની વાત કરીને અંગ્રેજી માધ્યમનો સિલેબસ પધરાવ્યો હતો. વારંવાર રજૂઆતો છતાં, સંસ્થા જવાબ ના આપતી હોવાથી વાલીગણે આખરે ગ્રાહક સુરક્ષાના પગથીયા ચઢવા પડ્યાં હતા. અને ફરિયાદ નોંધાવી છે.
મહેસાણાનાં કડીનો પરિવાર છેતરાયો
કોરોનાની મહામારીમાં ઓનલાઇન શિક્ષણનો ક્રેઝ વધ્યો છે. ઓનલાઇન શિક્ષણનો વ્યાપ વધતાં અનેક વેબસાઈટ તેમજ એપ પણ માર્કેટમાં ધૂમ મચાવી રહી છે. આ પ્રકારની એપ પાછળ હજારો રૂપિયા ખર્ચીને વાલીઓ શિક્ષણને પ્રાધાન્ય આપે છે, ત્યારે ઓનલાઈન એપ BYJU'S વિરુદ્ધ ફરિયાદ નોંધાઈ છે. કડીમાં વસતા જોશી પરિવારે પોતાની દિકરી અને દિકરા માટે BYJU'S એપનો સંપર્ક કર્યો હતો. જેથી એપ સાથે સંકળાયેલા લોકોએ ગુજરાતી સિલેબસની વાત કરીને અંગ્રેજી માધ્યમનો સિલેબસ પધરાવ્યો હતો. જે બાદ પરિવારે ફરી BYJU'Sનો સંપર્ક કરતા એક મહિનામાં ગુજરાતી સિલેબસ આવવાનું આશ્વાસન આપવામાં આવ્યું હતું. જે આજ સુધી આવ્યું નથી. જેથી પરિવારે કંટાળીને ગ્રાહક સુરક્ષામાં ફરિયાદ કરી છે. આ અગાઉ પણ BYJU'S વિરુદ્ધ 9 જેટલી ફરિયાદ નોંધાઈ ચુકી છે.