ઇવેન્ટ / કડી સર્વ વિશ્વવિદ્યાલય દ્વારા HR Conclave, 150થી વધુ કંપનીઓના વડા હાજર રહેશે

આ કાર્યક્રમ ૨૭ મી જુલાઈ ૨૦૧૯ શનિવારના રોજ  ગિફ્ટ સિટી ક્લબ અને બિઝનેસ સેન્ટર ખાતે યોજાશે. આ કાર્યક્રમનો મુખ્ય ઉદ્દેશ્ય યુનિવર્સિટીના વિવિધ સેન્ટર, સંશોધન પ્રોજેક્ટ્સ, સેમિનાર, વર્કશોપ, MPDs અને બીજા તાલીમ કેન્દ્રો સ્થાપવા માટે કોર્પોરેટ ક્ષેત્રો સાથે MOUs (Memorandum of Understanding) કરશે.

આ આયોજિત કાર્યક્રમના ઉદઘાટન પ્રસંગે કડી સર્વ વિશ્વવિદ્યાલયના પ્રેસિડેન્ટ વલ્લભભાઈ એમ. પટેલ,  અંજુ શર્મા (IAS), સવજીભાઈ ધોળકીયા (ઉદ્યોગપતિ) અને શ્રી ચંદુભાઈ પોપટભાઈ વિરાણી (ચેરમેન, બાલાજી વેફર્સ, રાજકોટ) ઉપસ્થિત રહેશે.

HR Conclaveમાં ૧૫૦ થી વધુ કંપનીઓના હોદ્દેદારોને આમંત્રિત કરવામાં આવ્યા છે. જેઓ પ્રથમ પેનલમાં, વિવિધ કંપનીઓના હોદ્દેદારો સાથે મળીને ઉદ્યોગ અને શિક્ષણ વચ્ચેના તફાવત બાબતે ચર્ચા કરાશે જ્યારે બીજી પેનલમાં ઔદ્યોગિક ક્રાંતિ અંગેની ચર્ચા કરવામાં આવશે.

આ બંને પેનલમાં તેઓ Human Resource Management અને ઔદ્યોગિક ક્રાંતિને લગતા તેમના અનુભવો, સિદ્ધાંતો અને જ્ઞાનની વહેંચણી કરશે. આ સાથે તેઓ કડી સર્વ વિદ્યાલયમાંથી સ્નાતક – અનુસ્નાતક થયેલ વિદ્યાર્થીઓને કોર્પોરેટ ક્ષેત્રે જોબ પ્લેસમેન્ટ માટે એમઓયુ થશે.