ચોમાસું / મહીસાગરનો કડાણા ડેમ ભયજનક સપાટીથી આટલો દૂર, 5 દરવાજા ખોલાયા

ઉલ્લેખનીય છે કે, પાણીની આવક થતાં કડાણા ડેમના 5 ગેટ ખોલવામાં આવ્યા છે અને ડેમમાંથી 68 હજાર 740 ક્યુસેક પાણી મહીસાગર નદીમાં છોડવામાં આવ્યુ છે. કડાણા ડેમના 4 ગેટ 6 ફૂટ ખોલવામાં આવ્યા છે. જ્યારે એક ગેટ 5 ફૂટ સુધી ખોલવામાં આવ્યો છે.

એક સમય માટે કડાણા ડેમમાં પાણીની આવક એક લાખ સીતેર હજારથી પણ વધી ગઈ હતી જેથી ડેમમાં ચાર દિવસમાં ધરખમ આવક થતા સપાટી હાલ 416.4 ફૂટે પહોંચી ગયી હતી જે રુલ લેવલથી વધુ છે અને ડેમમાં પાણી છોડવાની પૂરેપૂરી શક્યતા હતી. 

પરંતુ પાણીની આવકમાં મોટો વધારો નોંધાતા હાલ પાણી છોડવામાં આવી રહ્યું છે. હાલ પાણીની આવક 68 હજાર 740 ક્યુસેક નોંધાઇ છે. જેને પગલે ડેમના 5 દરવાજા ખોલવામાં આવ્યા છે. 

હવામાન વિભાગ

ભાદરવા મહિનાની શરૂઆતના દિવસોમાં મેઘમહેર થઇ શકે છે. હવામાન વિભાગે અમદાવાદમાં આગામી 3 દિવસ ભારે વરસાદની આગાહી કરી છે. રાજસ્થાનમાં સક્રિય વરસાદી સિસ્ટમ આવી છે જેના કારણે વરસાદ વરસી શકે છે. રાજ્યના વિવિધ વિસ્તારમાં હળવા વરસાદની આગાહી કરવામાં આવી છે. રાજસ્થાન નજીકના વિસ્તાર અને સૌરાષ્ટ્ર-કચ્છમાં વધુ વરસાદની શક્યતા છે.