રેસિપી / શિયાળામાં ઘરે બનાવો ભેળસેળ વિનાનું સ્વાદિષ્ટ અને પૌષ્ટિક કચરિયું, નોંધી લો સરળ રેસિપી

સફેદ તલનું કચરિયુ 

સામગ્રી

- બે ચમચી ઘી
- અડધી વાટકી ગોળ 
- એક વાટકી અધકચરા પીસેલા સફેદ તલ 
- છ ખજૂરના ઝીણા ટૂકડા
- એક ચમચી સૂંઠ
- એક ચમચી ગંઠોડા પાવડર
- એક ચમચી મગજતરીના બી
- એક ચમચી ખસખસ
- બે ચમચી સૂકા કોપરાનું છીણ
- બે ચમચી સૂકામેવાનો પાવડર

રીત

એક કડાઈમાં બે ચમચી ઘી ગરમ કરી તેમાં અડધી વાટકી ગોળ ઉમેરી શેકી લો. ઓગળે એટલો જ ગરમ કરો ગેસ બંધ કરી દો. હવે એમાં એક વાટકી અધકચરા પીસેલા સફેદ તલ ઉમેરો. ત્યારબાદ તેમાં પાંચ ખજૂરના ઝીણા ટૂકડા નાંખો અને સૂંઠ, ગંઠોડા પાવડર, મગજતરીના બી, ખસખસ, સૂકા કોપરાનું છીણ, સૂકામેવાનો પાવડર ઉમેરી મિક્સ કરો. ગેસ ચાલુ કરો અને થોડી વાર શેકી લો. હવે થાળીમાં ઠારી દો. ઉપરથી મગજતરી, ખસખસથી સજાવી લો. આ રીતે બનાવેલ કચરિયું લાંબા સમય સુધી ટકી રહે છે.

(જો તમને કાળું કચરિયું પસંદ છે તો તમે અહીં સફેદ તલને બદલે કાળા તલનો પણ પ્રયોગ કરી શકો છો.)

નારિયેળનું છીણ, તલ, ગોળ અને ઘીની સાથે સૂકામેવાનો સાથ. આ દરેક ચીજો શરીર માટે શિયાળામાં હેલ્ધી રહે છે. સ્વાસ્થ્યની સાથે સાથે તે બ્યુટીની સમસ્યાઓમાં પણ રાહત આપે છે. તો બનાવી લો આ સ્પેશ્યલ શિયાળામાં ખવાતું કચરિયું ઘરે જ.