હેરાનગતિની ફરિયાદ કરવા કબૂતરવાલા પરિવાર પાસે ગયેલી નોર્થ-ઇસ્ટની આ યુવતીને કૃણાલે બચકાં ભર્યા, બોયફ્રેન્ડને લાકડીના ફટકા મારી જમીન પર પાડી દીધો
સુરતમાં કબૂતરવાલા પરિવાર વિવાદમાં
કૃણાલ નામના યુવક પર યુવતીનો આરોપ
યુવતીએ ગેરવર્તનનો આરોપ લગાવ્યો
સુરતમાં કલરટેક્ષ કંપનીના માલિક કબૂતરવાલા પરિવાર વિવાદમાં આવ્યો છે. કૃણાલ નામના યુવક પર યુવતીએ ગેરવર્તનનો આરોપ લગાવ્યો છે. યુવતીને મારમારવાનો વીડિયો સોશિયલ મીડિયામાં વાયરલ થયો છે. કબૂતરવાલા પરિવારના યુવકની ફરિયાદ કરવા યુવતી તેના ઘરે પહોંચી હતી. ત્યારે યુવકના પિતાને ફરિયાદ કરવા ગયેલી યુવતી પર પણ હુમલો કરી દેવાયો. કલરટેક્ષ કંપની કલર ઉત્પાદન ક્ષેત્રે ખૂબ મોટું નામ ધરાવે છે. ત્યારે સમગ્ર મામલાને લઇ યુવતીના મિત્રએ કૃણાલ કબૂતરવાલા સામે ફરિયાદ નોંધાવી છે. અને પોલીસે છેડતી અને મારામારીની ફરિયાદ નોંધી કાર્યવાહી હાથ ધરી છે.
સમગ્ર મામલે પોલીસે શું કહ્યું?
26 ડિસેમ્બરની રાત્રિએ ફરિયાદી યવુક અને તેની મિત્ર એ ફરિયાદ નોંધાવી છે કે અમે કબૂતરવાલા ઘરે ગયેલા અમને કૃણાલ હેરાન કરે છે તેવો દાવો માંડતા અમે તપાસ શરૂ કરી છે. તેઓ કૃણાલના આ વર્તનની ફરિયાદ કરવા ઘરે ગયા હતા અને તેમજ કૃણાલના પિતાને પણ ફોન કરી ફરિયાદી યુવકે જણાવ્યું હતું કે તમારો છોકરો મારી ગર્લફ્રેન્ડને હેરાન કરે છે. તેમાં અચાનક કૃણાલ આવી જતાં તેણે ફરિયાદી યવુક અને તેની મિત્રને માર માર્યો હતો. અને યુવતીને બચકાં પણ ભરી લીધા હતા. જેથી ઉમરા પોલીસે છેડતી, મારમારીની ફરિયાદ આધારે કાર્યવાહીની ગતિવિધિ તેજ કરી છે.
યુવતી હાલ સારવાર હેઠળ, પોલીસ તપાસ શરૂ
યુવકના પિતાને ફરિયાદ કરવા ગયેલી નોર્થ-ઇસ્ટની આ યુવતી પર પણ હુમલો થતાં હાલ ઈજાગ્રસ્ત યુવતી હોસ્પિટલમાં સારવાર હેઠળ છે. કબૂતરવાલાની કલરટેક્ષ કંપની કલર ઉત્પાદન ક્ષેત્રે ખૂબ મોટુ નામ ધરાવે છે. ત્યારે યુવતી પર સાથે થયેલી મારામારી અને વર્તનની ચો તરફ ખૂબ નીંદા થઈ રહી છે. પોલીસ કોઈ દબાણવશ કામગીરી ન કરે અને ફરિયાદીને કડક સજા થાય તેવી માંગ ઉઠી છે. જો કે ગુનો નોંધાતાં જ કૃણાલ ભાગી છૂટ્યો છે.