અફઘાનિસ્તાનની રાજધાની કાબુલમાં બે બોમ્બ બ્લાસ્ટ થવાની માહિતી મળી છે. પોલીસે શશદારક ક્ષેત્રમાં બ્લાસ્ટની પુષ્ટિ કરા છે. આ બ્લાસ્ટમાં 7 લોકોના મોત થઇ ગયા છે અને 4 લોકો ઘાયલ થઇ ગયા છે. પોલીસે જણાવ્યું કે મરનાર લોકોની સંખ્યામાં વધારો થઇ શકે છે. કાબુલના શશદારક ક્ષેત્રમાં બીજો બ્લાસ્ટ એ સમયે થયો જ્યારે લોકો પહેલા થયેલા બ્લાસ્ટના પીડિતોની મદદ કરી રહ્યા હતા. આ હુમલામાં ન્યૂસ એજન્સી એએફપીના ફોટોગ્રાફર શાહ મારાઇનું મોત થયું છે.
તમને જણાવી દઇએ કે 14 એપ્રિલ 2018થી અત્યાર સુધી અફઘાનિસ્તનામાં કુલ 6 બ્લાસ્ટ થઇ ગયા છે જો કે અહીંયા વોટર રજિસ્ટ્રેશન પ્રોસેસ શરૂ થઇ ગઇ છે. એક સપ્તાહ પહેલા જ કાબુલમાં થયેલા બોમ્બ બ્લાસ્ટમાં 60 લોકોનામોત થઇ ગયા હતા અને 129 લોકો ઘાયલ થયા હતા. આ હુમલાના તરત બાદ પુલ એ ખુમરીનામ પણ બ્લાસ્ટ થયો હતો જેમાં 8 લોકોના મોત થઇ ગયા હતા અને 6 લોકો ઘાયલ થઇ ગયા હતા.
20 એપ્રિલે પણ એક અજ્ઞાત હુમલાવરોએ કાલા એ નાઇના વોટર રજિસ્ટ્રેશન સેન્ટર પર હુમલો કરી દીધો હતો જેમાં એક પોલિસ અધિકારીનું મોત થઇ ગયું હતું. 19 અને 17 એપ્રિલે પણ વોટર રજિસ્ટ્રેશન સેન્ટર પર આ પ્રકારનો હુમલો થયો હતો.