ફિલ્મ ‘કબીર સિંહ’ની સફળતા બાદ શાહિદ કપૂરનો કરિયર ગ્રાફ ઊંચો આવી ગયો છે. સોલો લીડ તરીકે આ ફિલ્મ શાહિદના કરિયરની સૌથી સફળ ફિલ્મ માનવામાં આવી રહી છે.
સૂત્રો મુજબ આ સફળતાને ધ્યનમાં રાખીને હવે શાહિદે પોતાની ફીસ વધારી દીધી છે. શાહિદ કપૂર હવે પોતાના અપકમિંગ પ્રોજેક્ટ્સ માટે 21 કરોડની ફી લેશે તેવુ કહેવાઇ રહ્યુ છે.
ફિલ્મે બોક્સ ઑફિસ પર અત્યાર સુધી 190 કરોડથી વધારેની કમાણી કરી દીધી છે. 'કબીર સિંહ' ની સફળતા પછી શાહિદે પોતાની ફીમાં વધારો કરવાનો નિર્ણય લીધો છે.
શાહિદ કપૂર એક ફિલ્મ માટે 10-12 કરોડ રૂપિયા લેતો હતો, જ્યારે હવે તે એક ફિલ્મ માટે 21 કરોડ રૂપિયા ચાર્જ કરશે. 'કબીર સિંહ' ની સફળતા પછી ઇન્ડસ્ટ્રીમાં શાહિદ કપૂરની માંગ વધી ગઇ છે, તેણે ઘણા સારા પ્રોજેક્ટ ઑફર થઇ રહ્યા છે.
#KabirSingh will cruise past ₹ 200 cr mark today [Day 13]... Will challenge *lifetime biz* of #Uri [in Week 3] and emerge the highest grossing #Hindi film of 2019... [Week 2] Fri 12.21 cr, Sat 17.10 cr, Sun 17.84 cr, Mon 9.07 cr, Tue 8.31 cr. Total: ₹ 198.95 cr. India biz.
21 જૂનના રિલીઝ થયેલ ‘કબીર સિંહ’ બોક્સઓફિસ પર ખૂબ કમાણી કરીને 200 કરોડ ક્લબમાં શામેલ થવાની તૈયારીમાં છે. ડિરેક્ટર સંદીપ વાંગાની આ ફિલ્મ તેલુગૂ ફિલ્મ 'અર્જૂન રેડ્ડી' ની રિમેક છે. આ ફિલ્મમાં શાહિદ કપૂર સિવાય કિયારા અડવાણી પણ લીડ રોલમાં જોવા મળી છે.
'કબીર સિંહ’ની સક્સેસની વચ્ચે ચર્ચા છે કે શાહિદે પોતાના નેક્સ્ટ પ્રોજેક્ટ બોક્સર ડિંગ્કો સિંહની બાયોપિકની તૈયારી શરૂ કરી દીધી છે. તો બીજી તરફ કિયારા હવે હવે કરિના કપૂર અને અક્ષય કુમાર સાથે 'ગુડ ન્યૂઝ' માં જોવા મલશે. આ સિવાય તે 'લક્ષ્મી બોમ્બ', 'શેરશાહ' અને 'ઇંદૂની જવાની' જેવી ફિલ્મોમાં જોવા મળશે.