તામિલનાડુના પનરૂતી શહેરની પાસે મણદિકુપ્પમ ગામમાં કબડ્ડી મેચ દરમ્યાન એક ખેલાડીનુ દર્દનાક મોત થયુ. મોતનુ કારણ પણ એવુ રહ્યું, જેને કોઈ વિચારી પણ ના શકે.
તામિલનાડુમાં કબડ્ડી મેચ દરમ્યાન એક ખેલાડીનુ દર્દનાક મોત
પ્રતિસ્પર્ધી ટીમના ખેલાડીઓએ હાર્ટ પર પગ મુકતા થયો હતો બેહોશ
હોસ્પિટલમાં ડૉકટરે ખેલાડીને મૃત જાહેર કર્યો
મેચ દરમ્યાન કબડ્ડી ખેલાડીનુ દર્દનાક મોત
ખરેખર, મૃતક કબડ્ડી ખેલાડી વિમલરાજ સાલેમ જિલ્લાના એક ખાનગી કોલેજમાં વિદ્યાર્થી હતો. જેની ઉંમર 22 વર્ષ જણાવવામાં આવી રહી છે. મણદિકુુપ્પમ ગામમાં એક કબડ્ડી મેચ રમાતી હતી. જેમાં આ ખેલાડી જ્યારે વિરોધી ટીમની હદમાં રેડ કરવા પહોંચ્યો તો ત્યાં કશુક એવુ થયુ તેનાથી તેનુ મોત થયુ. આ ઘટના સાથેનો એક વીડિયો સામે આવ્યો છે. જેમાં કબડ્ડી ખેલાડી વિમલરાજ જ્યારે વિરોધી ટીમની હદમાં રેડ કરવા જાય છે તો વિરોધી ટીમના ખેલાડીઓ તેને દબોચવાનો પ્રયાસ કરે છે.
હાર્ટ એટેકને કારણે થયુ મોત
આ દરમ્યાન પ્રતિસ્પર્ધી ટીમના ખેલાડીઓએ વિમલનો ઘેરાવ કરી લીધો. એક ખેલાડીનો પગ વિમલના હાર્ટ પર આવી ગયો. પરંતુ તેણે પોતાના બે પોઈન્ટ લઇ લીધા. જો કે, વિમલ ત્યારબાદ ઉભો ના થઇ શક્યો. જાણકારી મુજબ આ દરમ્યાન વિમલરાજને હાર્ટ એટેક આવ્યો અને તે બેહોશ થઇ ગયો. વીડિયોમાં સ્પષ્ટ રીતે જોઇ શકાય છે કે બધા ખેલાડી વિમલરાજને ઉપાડવા લાગ્યા. વિમલરાજને ત્યારબાદ હોસ્પિટલમાં દાખલ કરવામાં આવ્યો.
પોલીસે આ મામલે કેસ નોંધ્યો
હોસ્પિટલના ડૉકટરે વિમલરાજને મૃત જાહેર કર્યો. વિમલરાજના મોત બાદ પોલીસે આ મામલે કેસ નોંધ્યો છે. પોલીસ ઘટનાની તપાસ કરી રહી છે કે શું આ હત્યા તો નથી ને. પોલીસે મૃતદેહને પોસ્ટમોર્ટમ માટે મોકલ્યો.