તમારા કામનું / જૂના સ્માર્ટફોનમાં આજે જ કરી લો આ 5 કામ, પરફોર્મન્સ એવું સુધરી જશે કે નવો ફોન લેવાનું મન નહીં થાય

• શું તમારો સ્માર્ટ ફોન સ્લો થઇ ગયો છે?
• સ્માર્ટ ફોનના પર્ફોમન્સને સુધારવા આ ટીપ્સ અપનાવો
• તમારા સ્માર્ટ ફોનમાં કોઈ વધારાનુ કામ કરવાથી દૂર રહેજો

ફોનનુ પર્ફોમન્સ વધારવા આટલું કરો

ફોનનુ પર્ફોમન્સ વધારવા માટે સૌથી સારી રીત ફોનને રિસેટ કરવાનો છે. જો કે, તેનાથી તમારા સ્માર્ટ ફોનને સેટ થવામાં સમય લાગશે. એક વખત જ્યારે તમે પોતાનો સ્માર્ટ ફોન રીસેટ કરી લેશો તો તમને તેના પર્ફોમન્સમાં એક મોટું અંતર જોવા મળશે. તમારી એપ્સ પહેલાની સરખામણીએ વધુ ઝડપથી ખુલશે. મલ્ટી-ટાસ્કિંગ સરળ થઇ જશે અને તમને એવુ લાગશે કે તમે જે ડિવાઈઝનો ઉપયોગ કરી રહ્યાં છો તે જૂની નથી પરંતુ અત્યારે ખરીદી છે.

ફોનના સ્ટોરેજને કરો સ્વચ્છ 

આ ઉપરાંત શ્રેષ્ઠ પર્ફોમન્સ માટે ફોનના સ્ટોરેજ સ્પેસને સ્વચ્છ રાખવુ જરૂરી હોય છે, નહીં તો સિસ્ટમ ધીમી થઇ જશે. ફોનના સ્ટોરેજને સાફ કરવા માટે તમારે સૌથી પહેલા સેટીંગ સેક્શનમાં બચેલા સ્ટોરેજ સ્પેસને ચેક કરવુ જોઈએ અને જો તે ભરેલુ છે તો તમારો ફોન સ્લો થશે. એવામાં તમારે પોતાના ફોનમાં રહેલી બિનજરૂરી એપ્સને હટાવવી પડશે. આ સાથે એપ્લિકેશન ફાઈલોને પણ ડિલીટ કરી શકો છો. સામાન્ય રીતે લોકોના ફોન પર વર્ષોના ફોટા અને વીડિયો હોય છે, તેથી તેઓ અમુક વીડિયો અને કેટલીક સ્ટોરેજ સ્પેસ બનાવવા માટે ડિલીટ કરી શકે છે. 

ઑનલાઈન બેકઅપ ચેક કરો 

મહત્વનું છે કે, પોતાના સ્માર્ટ ફોનને રિસેટ કરતા પહેલા બધા સર્વિસિસના આઈડી અને પાસવર્ડને આવશ્ય સેવ કરી લો. આ સાથે એવુ પણ ચેક કરી લો કે તમે બધા ડેટાનો ઑનલાઈન બેકઅપ લીધો છે કે નહીં. જો તમે તમારો ડેટા ગુમાવવા ઈચ્છતા નથી તો કઈ પણ ડિલીટ કરતા પહેલા પોતાના બેકઅપ લોકેશનને એક વખત ફરીથી ચેક કરી લો. 

સૉફ્ટવેરને અપડેટ કરતા રહો 

આ ઉપરાંત ફોનના શ્રેષ્ઠ પર્ફોમન્સ માટે જરૂરી છે કે તમે સમય પ્રમાણે પોતાના સૉફ્ટવેરને અપડેટ કરાવતા રહો. કારણકે અપડેટ કરાવવાથી ફોનમાં સ્ટેબિલિટી આવે છે.

ઓછા વિજેટ્સનો કરો ઉપયોગ 

ફોનના સારા પર્ફોમન્સ માટે જરૂરી છે કે તમે ઓછામાં ઓછા વિજેટ્સનો ઉપયોગ કરો અને લાઈવ વૉલપેપરના ઉપયોગતી બચો. કારણકે આ ફોનના પર્ફોમન્સ પર પ્રભાવ નાખે છે અને બેટરીનો વપરાશ પણ કરે છે.