Saturday, April 20, 2019

વીડિયો / યુ ટયૂબ પર છવાયું ‘Kill This Love’: ત્રણ દિવસમાં ૧૦૦ મિલિયન વ્યૂ

યુ ટયૂબ પર છવાયું ‘Kill This Love’: ત્રણ દિવસમાં ૧૦૦ મિલિયન વ્યૂ

કોરિયાના એક પોપ ગર્લ ગ્રૂપે યુ ટયૂબ પર ઇતિહાસ રચી દીધો છે. આ મ્યુઝિક વીડિયોને સૌથી ઝડપી ૧૦૦ મિલિયન વ્યૂ મળી ગયા છે.

કોરિયાના એક પોપ ગર્લ ગ્રૂપે યુ ટયૂબ પર ઇતિહાસ રચી દીધો છે. કોરિયાના સૌથી પોપ્યુલર પોપ ગ્રૂપે બ્લેકપિંકે યુ ટયૂબ પર નવો ‌રેકોર્ડ બનાવ્યો છે. 

ટેક ચર્ચે જણાવ્યું કે તાજેતરમાં આ ગ્રૂપનો લેટેસ્ટ મ્યુઝિક વીડિયો ‘Kill This Love’ રિલીઝ થયો છે. આ મ્યુઝિક વીડિયોને સૌથી ઝડપી ૧૦૦ મિલિયન વ્યૂ મળી ગયા છે. રિલીઝના માત્ર ત્રણ દિવસની અંદર મ્યુઝિક વીડિયોએ આ આંકડાને સ્પર્શી લીધો છે.
2019 Coachella Valley Music And Arts Festival - Weekend 1 - Day 1
રિપોર્ટ અનુસાર ‘Kill This Love’ મ્યુઝિક વીડિયો યુ ટયૂબનો સૌથી વધુ જોવાતો વીડિયો પણ બની ગયો છે. ર૪ કલાકની અંદર તેના વ્યૂ પ૬.૭ મિલિયન સુધી પહોંચી ગયા હતા. આ પહેલાં આ રેકોર્ડ ટેલર સ્વિફટના વોટ યુ મેડ મી ડુના નામે હતા. તેના લોન્ચ બાદ ર૪ કલાકમાં ર૮ મિલિયન વ્યૂ મળ્યા હતા. વર્ષ ર૦૧પમાં સ્વિફટે એડેલેનો રેકોર્ડ તોડયો હતો. જેના મ્યુઝિક વીડિયો હેલોએ ર૭.૭ મિલિયન વ્યૂ મેળવ્યા હતા.
બ્લેકપિંક ચાર મહિલાઓ દ્વારા બનાવાયેલું પોપ ગ્રૂપ છે. જે વાયજી એન્ટરટેઇનમેન્ટ દ્વારા મેનેજ કરાય છે. ટાઇમ મેગેઝિનના જણાવ્યા મુજબ આ પોપ ગ્રૂપ કંપનીનું પહેલું છોકરીઓનું ગ્રૂપ છે જે ર૦૧૬માં બન્યા બાદ ખૂબ જ ઝડપથી પોપ્યુલર થયું હતું. 
 
Entertainment BlackPink BTS

જોવા જેવું વધુ જુઓ

બ્રેકિંગ ન્યૂઝ