દિલ્હી / નિર્ભયાના ગુનેગારો હતા તો પાંચ, પરંતુ એક આ કારણથી થઈ ગયો હતો મુક્ત

• નિર્ભયા ગેંગ રેપ કેસના આરોપીઓને ફાંસીની સજા
• 6 ગુનેગારોમાંથી 4ને ફાંસી એક કેદીએ જેલમાં જ કરી આત્મહત્યા 1 છૂટી ગયો

તે સિવાય આ કેસમાં વધુ 2 દોષી હતા. જે પૈકીના એક આરોપી રામસિંહે જેલમાં જ આત્મહત્યા કરી હતી. આ સિવાય બીજો ગુનેગાર પણ હતો. ઘટના સમયે કિશોર હોવાને કારણે તેને કિશોર અદાલતથી 3 વર્ષની કેદ કરવામાં આવી હતી અને હવે તે છૂટી ગયો છે.

3 વર્ષની સજા ભોગવ્યા બાદ છૂટી ગયો 

આ એકલો જ ગુનેગાર છે, જેનો ચહેરો અને નામ પણ દુનિયાને ખબર નથી. આ આરોપીને 3 વર્ષની કેદની સજા કરવામાં આવી અને આ સજા ભોગવીને તે 20 ડિસેમ્બર 2015ના રોજ જેલમાંથી છૂટો થયો.  

શું બની હતી ઘટના 

16 ડીસેમ્બર 2012ની ઘટનામાં દિલ્હીમાં ફિઝીયોથેરાપિસ્ટ યુવતી સાથે ગેંગરેપ થયો હતો. આ યુવતી મિત્ર સાથે ફિલ્મ જોઈને પાછી ફરી રહી હતી. આ ગેંગરેપ  
ચાલતી બસે કરવામાં આવ્યો હતો. ગેંગરેપ બાદ યુવતી સાથે બર્બરતા આચરવામાં આવી હતી અને આ ઘટનાના સમગ્ર દેશમાં પડઘા પડ્યા હતા. જો કે, લાંબી સારવાર દરમિયાન જ 29 ડીસેમ્બરના રોજ સિંગાપુરમાં યુવતીનું મોત નિપજતા દેશભરમાં એક આક્રોશનું વાતાવરણ જોવા મળ્યું હતું. 

કોર્ટે જાહેર કર્યું ડેથ વોરંટ 

નિર્ભયા ગેંગરેપના દોષિતોનું ડેથ વૉરન્ટ જાહેર કરી દેવામાં આવ્યું છે. નિર્ભયા ગેંગ રેપ કેસના ચારેય દોષિતોને 22 જાન્યુઆરીએ સવારે 7 વાગ્યે ફાંસી આપવામાં આવશે. આ દરમિયાન જો ચારેય દોષિત ઇચ્છે તો ક્યૂરેટિવ પિટિશન અથવા દયા અરજી દાખલ કરી શકે છે. કોર્ટમાં કેસની સુનાવણી દરમિયાન વીડિયો કોન્ફરન્સિંગ રૂમ બંધ કરી દેવામાં આવ્યો હતો. મીડિયાને વીડિયો કોન્ફરન્સિંગ રુમમાં જવાની મંજૂરી આપવામાં આવી નહોતી.