જસ્ટિસ શરદ અરવિંદ બોબડે સુપ્રીમ કોર્ટના નવા મુખ્ય ન્યાયાધીશ હશે. રાષ્ટ્રપતિ રામનાથ કોવિંદે તેમના નામ પર મંજૂરી આપી દીધી છે. જસ્ટિસ બોબડે હાલના ચીફ જસ્ટિસ રંજન ગોગોઇની નિવૃત્ત બાદ આ જગ્યા 18 નવેમ્બરના રોજ લેશે. જસ્ટિસ બોબડે 18 નવેમ્બરના રોજ મુખ્ય ન્યાયાધીશ તરીકે શપથ લેશે. તેમનો કાર્યકાળ 18 મહીનાનો રહેશે.
જસ્ટિસ શરદ અરવિંદ બોબડે બનશે નવા CJI
રાષ્ટ્રપતિએ નિયુક્તિ પત્ર પર કર્યા હસ્તાક્ષર
17 નવેમ્બરે CJI રંજન ગોગોઇ થઇ રહ્યાં છે નિવૃત્ત
જસ્ટિસ બોબડે મુખ્ય ન્યાયાધીશ પછી સુપ્રીમ કોર્ટમાં બીજા વરિષ્ઠ ન્યાયાધીશ છે. તેઓ આ અગાઉ મધ્યપ્રદેશ હાઇકોર્ટના મુખ્ય ન્યાયાધીશ રહી ચૂક્યાં છે.
પરંપરા અનુસાર મુખ્ય ન્યાયાધીશ પત્ર લખીને પોતાના બાદ કાર્યભાર માટે ન્યાયાધીશની ભલામણ કરતા હોય છે. જસ્ટીસ ગોગોઇ દ્વારા 3 ઓક્ટોબર 2018ના રોજ ભારતના 46માં મુખ્ય ન્યાયાધીશ તરીકે શપથ લીધી હતી. જસ્ટિસ રંજન ગોગોઇના કાર્યકાળમાં દેશનો સૌથી વધારે સંવેદનશીલ મુદ્દો અયોધ્યા ભૂમિ વિવાદ પર નિર્ણય આવી શકે છે.
કોણ છે જસ્ટિસ એસએ બોબડે...
જસ્ટિસ એસએ બોબડેનો જન્મ 24 એપ્રિલ 1956માં મહારાષ્ટ્રના નાગપુરમાં થયો હતો. જસ્ટિસ બોબડેએ નાગપુરથી BA LLBની ડિગ્રી પ્રાપ્ત કરી છે. 1978માં તેઓ પ્રથમ વખત કાઉન્સિલના સભ્ય બન્યા અને બોમ્બે હાઇકોર્ટની નાગપુર બેંચમાં પ્રેકટિસ કરવા લાગ્યા. 2010માં તેમને બોમ્બે હાઇકોર્ટના એડિશનલ જ્જ બનાવામાં આવ્યાં. જ્યારે 2012માં તેઓ મધ્ય પ્રદેશના હાઇકોર્ટના મુખ્ય ન્યાયાધીશ બનાવામાં આવ્યાં. જ્યારે 2013માં એસએ બોબડે સુપ્રીમ કોર્ટમાં જ્જ બન્યાં. એસએ બોબડે 23 એપ્રિલ 2021માં નિવૃત્ત થશે.
President Ram Nath Kovind signs warrant appointing Justice Sharad Arvind Bobde as the next Chief Justice of India (CJI), he will take oath on November 18th. Current CJI Justice Ranjan Gogoi retires on November 17th. pic.twitter.com/dCiALYqdj8